Requisitos para superar a materia: 

A asistencia ás prácticas clínicas é obrigatoria para todo o
alumnado independentemente da súa modalidade de matrícula. 

Poderase optar a
superar o Prácticum III con ausencias xustificadas baixo os seguintes supostos: 

1. Un máximo de 5 ausencias xustificadas sen penalización na
cualificación.

2. Desde a 6ª á 8ª (ambas incluídas), cada ausencia xustificada será penalizada con 0.50 puntos por ausencia na cualificación da avaliación continua
do rotatorio no que se produza a ausencia.

3. A partir da 9ª (incluida) falta xustificada ou de calquera número de faltas sen xustificar, o alumno/a non  poderá
optar a superar o Prácticum III na matrícula do curso corrente, e aparecerá nas actas como SUSPENSO.

*** O caracter "xustificado" das faltas será o contemplado para
os procesos de avaliación no artículo 12 das Normas de avaliación, revisión e
reclamación das cualificacións dos estudos de grao e máster universitario,
aprobada polo Consello de Goberno da UDC.

Calquera suposto que se presente no límite da presente norma
poderá ser revisado polo conxunto de profesorado do Prácticum para o curso en
vigor.

Para superar a materia (ademais de cumplir os requisitos en relación a asistencia) será necesario aprobar (Calificación maior ou igual a 5 sobre 10) cada un dos apartados recollidos na "Avaliación": 

1. Avaliación continua (práctica clínica)

2. Portafolio (A falta de entrega do Portafolio en tempo e forma, será motivo de suspenso da asignatura)

3. Exame (proba obxectiva).

O alumnado que non superen a puntuación mínima ou non se presenten ao exame individual na convocatoria de maio terán opción a facelo na convocatoria de xullo. 

Na avaliación de 2ª oportunidade só hai opción ao exame e o portafolio da materia polo que si a avaliación continua está suspensa o alumno/a estará suspenso no Prácticum III debendo de matricularse no seguinte curso académico.

Calquera falta grave de disciplina ou comportamento cos pacientes, compañeiros, profesorado ou persoal da CUP, así como faltas ás normas da UDC, normativa da materia, funcionamento da CUP, do segredo profesional e da lexislación sanitaria vixente, será sometida a avaliación polo profesorado da materia, previo informe da situación desencadeada, e pode supor o suspenso automático no Prácticum III. 

Durante as prácticas clínicas non se permite:

- Falar e permanecer nos corredores ou en recepción.

- Utilizar o teléfono móbil durante as prácticas.

- Escoitar música durante as prácticas.

- Realizar fotos ou gravacións con dispositivos que non pertenzan á CUP.

- Rexistrar e comprobar os datos da historia clínica na recepción ou non identificar convenientemente ao paciente (por nome e apelidos) ou as tarefas realizadas por cada alumno/a e profesor responsable.

- Non recoller ou organizar os gabinetes e salas tras o seu uso.

- Dar o alta ou cita a un paciente sen supervisión por parte do docente responsable da atención.

- Ausentarse das prácticas sen unha xustificación e comunicación ao profesor responsable da práctica.

- Comer ou beber nas instalacións da CUP (só se permite na aula CUP ou cafetaría previa autorización).

- Non portar o cartón identificativo, indumentaria individual de prácticas clínicas limpa e en perfecto estado (pixama e calzado sanitario branco), bolígrafo 4 cores , rotulador permanente, rotulador borrable, luvas de kevlar (ou equivalente), tesoiras multiusos ou lentes, máscara ou máscara de protección.

- Non manter un aseo adecuado incluíndo non manter o pelo recolleito ou curto, as uñas cortadas e sen pintar así como portar colares, aneis, pendentes longos ou pulseiras.

- Calquera outro incumprimento das normas da UDC, da materia e/ou da CUP (http://www.udc.es/fep/cup).

Situacións especiais de avaliación

1) A cualificación de matrícula de honra, dado o seu carácter graciable, concederase automaticamente ao alumnado que obteña un 10 na cualificación media da materia. De darse o caso de que haxa máis alumnos/as con esa cualificación que matrículas se poidan outorgar pola cota oficial establecido, convocarase a todos os alumnos/as para a realización dunha proba específica de desempate, proba que consistirá en novo exame de características similares ás da proba obxectiva, exame que se fixará en data e hora de acordo cos interesados/as 3 días antes da data de actas. En caso de non existir ningún alumno/a con cualificación de 10, todo o alumnado que obteña unha cualificación media superior a 9.0, requisito básico para optar á matrícula de honra, poderán optar á matrícula de honra por acordo do conxunto de docentes da materia naqueles casos que, cumprindo o requisito mínimo, puidesen ser merecedores de matrícula pola aptitude e a actitude mostradas durante o desenvolvemento da materia.

2) Segunda oportunidade: Na 2ª oportunidade só poderán optar a superar a materia aqueles alumnos/as que superando a avaliación continua non superasen o exame práctico, ou cando o sumatorio total das cualificacións non supere a nota mínima para superar o Prácticum 3 debido á cualificación do Portafolio do alumno/a. Para ambos os supostos no calendario académico quedará fixada unha data para as novas probas de exame práctico e/ou nova entrega de actividades de portafolio.

3) Convocatorias de segunda e posteriores matrículas: Para aqueles alumnos/as que cursen a materia e realicen as prácticas obrigatorias de forma completa, poden volver cursar toda a materia novamente ou presentarse só a aquelas partes que non obtivesen unha cualificación mínima de 5 sobre 10. En caso de non realizar a totalidade das prácticas clínicas terá que cursar a totalidade da materia novamente.

4) Conservaranse de forma automática as cualificacións superadas de calquera das metodoloxías dentro das 2 oportunidades da mesma convocatoria.

5) Para alumnado con matrícula parcial: poderán desenvolver a materia realizando os diferentes conceptos da materia en dous cursos, sempre realizando as prácticas, portafolio e exame do mesmo servizo no mesmo curso. Para iso contarase o primeiro curso en que se curse a materia coa cualificación de N.P. e no segundo coa cualificación calculada de todos os conceptos no momento de realización dos mesmos. Deberán de solicitar e aprobarse esta modalidade de avaliación ao comezo do curso, en caso contrario avaliarase como na modalidade ordinaria.

6) Convocatorias da oportunidade adiantada de avaliación: Para aqueles alumnos/as que solicitasen a oportunidade adiantada de avaliación, cumpran cos requisitos, concédaselle e cursen e superen as prácticas clínicas (cuxa cualificación suporá o 40% da materia), poderán presentarse á proba obxectiva de carácter práctico clínico cuxa cualificación suporá o 60% da cualificación da materia.

7) Non presentado: aqueles alumnos/as que asistan a menos do 70% das prácticas clínicas da materia, a súa cualificación será automaticamente de Non Presentado (para calquera das oportunidades do curso).

8) Alumnado de mobilidade (Erasmus , SICUE, Bilateral): A cualificación dos alumnos de mobilidade (tanto Erasmus, como SICUE, como Bilateral) realizarase só pola avaliación continua en caso de suspenso poderán recuperar no exame da materia. Estes distribuiranse entre todos os grupos de prácticas.

9) Mentorización ERASMUS e Bilateral: Ao comezo da materia proporase a todos os alumnos/as que polo menos obtivesen unha cualificación de notable no Prácticum 2 priorizando a aqueles/as alumnos/as obtivesen unha maior cualificación no Prácticum 2 e os que en cursos anteriores realizasen unha estancia de mobilidade noutro país. Dita proposta deberá de realizarse por cada alumno/a que estea interesado en participar como mentor dentro da actividade Moodle onde voluntariamente cada solicitante achegará unha copia do seu expediente e xustificantes de realizar algunha estancia de mobilidade en cursos anteriores a fin de que sexa valorado polo conxunto de docentes da materia. A participación como mentor/a sumará ata  0,5 á súa cualificación final da materia.