O alumnado debe traballar de xeito continuado ao longo do curso, preparar semanalmente a parte correspondente da simulación e participar activamente nas discusións promovidas durante as sesións e no foro virtual.

A proba obxectiva formularase en castelán e se poderá contestar en calquera das linguas oficiais da UDC. En caso de desexala en galego, deberá indicarllo por escrito ao docente unha semana antes da súa realización.

Alumnado con recoñecemento de dedicación a tempo parcial e dispensa académica de exención de asistencia.

Segundo a normativa, dito alumnado deberá comunicar a súa situación ao docente nos primeiros dez días do cuadrimestre en que a materia se imparte. Seguirá o mesmo sistema de avaliación, coas seguintes particularidades: a súa participación activa terá lugar mediante o foro virtual e, agás para as datas aprobadas na Xunta de Facultade no que compete á proba obxectiva, acordarase ao inicio do curso un calendario específico de datas compatible co plan de traballo da materia e coa súa dedicación.

Cualificación de non presentado.

A simulación é obrigatoria para aprobar a materia. Se non se realiza, a cualificación será: NON PRESENTADO.

Avaliación da segunda oportunidade

Seguirá os mesmos criterios que os utilizados na avaliación da primeira oportunidade, coa excepción do alumnado que exprese a súa intención de participar nun novo proceso de avaliación continua (80% da cualificación final: Simulación). Neste caso:

a) É imprescindible enviar un correo electrónico ao docente, antes do inicio do período de exames da segunda oportunidade, indicando a súa renuncia á cualificación previamente obtida nesta metodoloxía, e recibir a correspondente autorización.

b) O proxecto de simulación será individual e será presentado na mesma data de realización da proba obxectiva, aprobada en Xunta de Facultade.

Avaliación adiantada

No caso de que ao alumnado se lle conceda unha oportunidade de "avaliación adiantada", e soamente neste caso, realizarase unha proba oral e/ou escrita encamiñada a avaliar todas as competencias e contidos propios da materia.

Condicións de realización dos exames

Está prohibido acceder á aula de exame con calquera dispositivo que permita a comunicación co exterior e/ou o almacenamento de información, non autorizado previamente polo docente.

Quebra dos principios de decoro, legalidade ou mérito individual

O docente pode requirir a posterior defensa oral, parcial ou total, das actividades entregadas e avaliadas.

A realización fraudulenta das probas ou actividades de avaliación implicará directamente a cualificación de suspenso '0' na materia na oportunidade correspondente, invalidando así calquera cualificación obtida en todas as actividades de avaliación de cara a convocatoria extraordinaria.

Resultados de aprendizaxe	Competencias do título
Adquirir as habilidades e competencias necesarias para poñer en marcha unha pequena empresa ou a incorporación ao mercado laboral como traballador autónomo. Coñecer de forma integrada a realidade da problemática da creación dunha empresa. Coñecer e aplicar os principios de formación básica na etapa de iniciación dun proxecto empresarial. Experimentar o esforzo do proceso de reflexión que supón a posta en marcha dun proxecto empresarial. Desenvolver no alumnado o nivel de autonomía e competencia necesario para a creación de empresas e o autoemprego. Introducir ao alumnado na análise e interpretación da bibliografía en torno ao eido da creación de empresas. Estimular o interese do alumnado na procura de fontes de información primarias e secundarias, así como o manexo da documentación necesaria para a elaboración do plan de empresa e a súa presentación. Saber definir obxectivos, medios, estratexias axeitadas para o tipo de empresa que se proxecta crear e a súa contorna. Experimentar e superar as dificultades que supón elaborar o plan de empresa dun proxecto empresarial e adquirir a capacidade de esforzo e reflexión necesarios. Adquirir habilidades para traballar en grupo e facer exposicións públicas dos traballos realizados. Valorar socialmente a iniciativa emprendedora e a súa importante labor social. Valorar e entender o traballo dos/das compañeiros/as para facilitar a aprendizaxe. Saber aplicar as diferentes técnicas de observación da realidade para detectar ideas de empresa. Coñecer e saber aplicar as diferentes ferramentas de análise de mercados. Coñecer e aplicar as técnicas do análise DAFO. Coñecer as diferentes estratexias posíbeis para unha pequena ou mediana empresa. Saber definir as variables de márketing e aplicalas ao caso dunha pequena ou mediana empresa. Coñecer as diferencias entre unhas formas xurídicas e outras, en canto a responsabilidade, requisitos, funcionamento, toma de decisións, etc. Coñecer a fiscalidade á que vaise ver sometida a empresa no seu funcionamento, tanto a imposición directa como indirecta. Adquirir competencias e habilidades que permitan atopar axudas para levar a cabo o proxecto. Saber facer o plan de empresa dunha pequena ou mediana empresa.	AP1 AP3 AP4 AP5 AP10 AP11	BP2 BP3 BP4 BP9 BP10	CM4 CM5

Temas	Subtemas
Tema 1. A creación de empresas e a iniciativa emprendedora.	1. Introdución: o emprendemento e o valor social da creación de empresas 2. Elementos esenciais no proceso de creación de empresas 3. Aspectos legais da creación de empresas.
Tema 2. A elaboración do plan de empresa.	1. Introdución 2. Estudo de mercado 3. Análise DAFO 4. Márketing 5. Segmentación e estratexia 6. Previsión de vendas
Tema 3. A viabilidade do proxecto empresarial	1. Introdución á análise económica-financeira dun proxecto empresarial 2. Análise financeira 3. Análise económica

Metodoloxías / probas	Competencias	Horas presenciais	Horas non presenciais / traballo autónomo	Horas totais
Proba obxectiva	A1 A10 A11 B2 B9 B10 C5	2	4	6
Sesión maxistral	A1 A10 B4 B9 B10 C5	7	15	22
Foro virtual	B2 B3 B4 C4	0	1	1
Simulación	A1 A3 A4 A5 A10 A11 B2 B3 B4 B9 B10 C4 C5	14	30	44

Atención personalizada		2	0	2

*Os datos que aparecen na táboa de planificación son de carácter orientativo, considerando a heteroxeneidade do alumnado

Metodoloxías	Descrición
Proba obxectiva	Proba escrita utilizada para a avaliación da aprendizaxe.
Sesión maxistral	Exposición oral e sistematizada por parte do docente, có fin de transmitir os coñecementos e conceptos básicos necesarios para o desenvolvemento e aplicación por parte do alumnado do contido da materia.
Foro virtual	Utilización do foro de Moodle para propor dúbidas e/ou responder ás preguntas dos/das compañeiros/as sobre calquera aspecto relacionado ca materia, fundamentalmente, no proxecto de simulación.
Simulación	Ponse ao alumnado ante condicións hipotéticas nas cales se proba o seu comportamento ante situacións concretas, os seus coñecementos, a súa capacidade de analizar alternativas e as súas consecuencias. Baséase, por tanto, na configuración de situacións similares ás que se producen nun contexto real, coa finalidade de utilizalas como experiencias de aprendizaxe e procedemento para a avaliación.

Metodoloxías	Competencias	Descrición	Cualificación
Simulación	A1 A3 A4 A5 A10 A11 B2 B3 B4 B9 B10 C4 C5	A simulación é OBRIGATORIA para aprobar a materia. O xogo de simulación emprendedora constitúe un exercicio completo e integrador, tanto pola diversidade dos aspectos que aborda como do número de variables que se manexan ao analizar unha iniciativa emprendedora en grupo. O traballo farase de forma grupal coas tarefas encomendadas en cada unha das tres fases: 1ª Deseño do modelo de negocio 2ª Elaboración do plan de empresa abreviado 3ª Estudo de viabilidade do proxecto Os/As estudantes, integrantes dun grupo de traballo, terán tamén o reto de asumir un determinado rol dentro do grupo co que, en función das súas competencias e coñecementos sobre determinados aspectos do traballo a desenvolver, cada un optimice as súas habelencias individuais poñéndoas ao servicio do grupo para a presentación e entrega dun portafolios co Plan de Empresa e todo o traballo desenvolto en común	80
Proba obxectiva	A1 A10 A11 B2 B9 B10 C5	Nas datas aprobadas en Xunta de Facultade terá lugar unha proba obxectiva na que o alumnado responderá ás preguntas dun cuestionario teórico-práctico (test de resposta pechada con catro alternativas, só unha certa e os erros restan ¼ do valor dun acerto) ou preguntas de resposta aberta (breve explicación, resumo, representación e interpretación de gráficas, resolución de problemas, etc.) ou de ámbolos tipos. A proba obxectiva NON É OBRIGATORIA para aprobar a materia. Se non se realiza, o/a estudante será cualificado exclusivamente coa nota ponderada da simulación. No caso de realizar a proba obxectiva e non acadar unha nota mínima de 4,5 sobre 10, o/a estudante será cualificado exclusivamente coa nota de dita proba obxectiva sen engadir a cualificación da simulación e sen ponderar	20

Observacións avaliación
O alumnado debe traballar de xeito continuado ao longo do curso, preparar semanalmente a parte correspondente da simulación e participar activamente nas discusións promovidas durante as sesións e no foro virtual. A proba obxectiva formularase en castelán e se poderá contestar en calquera das linguas oficiais da UDC. En caso de desexala en galego, deberá indicarllo por escrito ao docente unha semana antes da súa realización. Alumnado con recoñecemento de dedicación a tempo parcial e dispensa académica de exención de asistencia. Segundo a normativa, dito alumnado deberá comunicar a súa situación ao docente nos primeiros dez días do cuadrimestre en que a materia se imparte. Seguirá o mesmo sistema de avaliación, coas seguintes particularidades: a súa participación activa terá lugar mediante o foro virtual e, agás para as datas aprobadas na Xunta de Facultade no que compete á proba obxectiva, acordarase ao inicio do curso un calendario específico de datas compatible co plan de traballo da materia e coa súa dedicación. Cualificación de non presentado. A simulación é obrigatoria para aprobar a materia. Se non se realiza, a cualificación será: NON PRESENTADO. Avaliación da segunda oportunidade Seguirá os mesmos criterios que os utilizados na avaliación da primeira oportunidade, coa excepción do alumnado que exprese a súa intención de participar nun novo proceso de avaliación continua (80% da cualificación final: Simulación). Neste caso: a) É imprescindible enviar un correo electrónico ao docente, antes do inicio do período de exames da segunda oportunidade, indicando a súa renuncia á cualificación previamente obtida nesta metodoloxía, e recibir a correspondente autorización. b) O proxecto de simulación será individual e será presentado na mesma data de realización da proba obxectiva, aprobada en Xunta de Facultade. Avaliación adiantada No caso de que ao alumnado se lle conceda unha oportunidade de "avaliación adiantada", e soamente neste caso, realizarase unha proba oral e/ou escrita encamiñada a avaliar todas as competencias e contidos propios da materia. Condicións de realización dos exames Está prohibido acceder á aula de exame con calquera dispositivo que permita a comunicación co exterior e/ou o almacenamento de información, non autorizado previamente polo docente. Quebra dos principios de decoro, legalidade ou mérito individual O docente pode requirir a posterior defensa oral, parcial ou total, das actividades entregadas e avaliadas. A realización fraudulenta das probas ou actividades de avaliación implicará directamente a cualificación de suspenso '0' na materia na oportunidade correspondente, invalidando así calquera cualificación obtida en todas as actividades de avaliación de cara a convocatoria extraordinaria.

Bibliografía básica	PEÑA-LAGAZKUE, IÑAKI; GUERRERO, MARIBEL Y OTROS (2020). Informe GEM España 2019-2020. Editorial Universidad de Cantabria. Santander SANCHIS PALACIO, JOAN RAMON; CAMPOS CLIMENT, VANESSA Y OTROS (2020). Emprendimiento sostenible: emprendimiento desde la cocreación de valor y el bien común. Editorial Pirámide. Madrid ASENSIO DEL ARCO, EVA; VÁZQUEZ BLÖMER, BEATRIZ (2019). Empresa e iniciativa emprendedora. Editorial Paraninfo. Madrid CALDAS BLANCO, MARIA EUGENIA; HIDALGO ORTEGA, MARÍA LUISA (2019). Empresa e iniciativa emprendedora 360º. Editex OSTERWALDER, ALEXANDER; PIGNEUR, YVES (2016). Generación de modelos de negocio . Deusto. Barcelona RODRÍGUEZ MÁRQUEZ, ALICIA; NIETO, MARÍA JESÚS Y OTROS (2014). Manual de creación de empresas: de la oportunidad a la puesta en marcha. Civitas-Thomson Reuters

Bibliografía complementaria	Ministerio de Industria, Comercio y Turismo (-). Crea tu empresa. www.ipyme.org/es-ES/CreaEmpresa/Paginas/Crea-tu-empresa.aspx Instituto Gallego de Promoción Económica (IGAPE) (-). Crear una empresa. www.igape.es/es/crear-unha-empresa