Metodoloxía deseñada para promover a aprendizaxe autónoma do alumnado, baixo a tutela do profesorado e en ámbitos variados (académicos e profesionais). Refírese principalmente a aprender "a facer as cousas". Constitúe unha opción baseada na asunción por parte do alumnado da responsabilidade pola súa propia aprendizaxe.
Este sistema de ensino baséase en dous elementos básicos: a aprendizaxe independente do alumnado e o seguimento desta aprendizaxe por parte do profesorado.
O alumnado disporá de horas de titoría privada e horas de titoría en grupo para consultar ou ser asesoradas polo profesorado para o desenvolvemento das distintas tarefas da materia.
Do mesmo xeito, facilitarase a través de titorías presenciais ou virtuais a atención o alumnado con rexistro de asistencia parcial.
O correo electrónico e os equipos utilizaranse como medio de comunicación continuo entre o profesor e o alumnado.