| Descrición xeral |
Os obxectivos principais das prácticas son:
- Completar a formación do alumnado complementando de xeito práctico e autónomo a aprendizaxe teórica e guiada.
- Promover unha primeira inclusión do alumnado no desenvolvemento práctico de perfís profesionais no marco da produción, xestión ou reflexión de contidos de matriz dixital relacionados co patrimonio cultural.
- Permitir ao alumnado examinar as formas de aplicación práctica dos contidos recibidos durante o curso teórico da titulación en contornos de desenvolvemento laboral.
- Fomentar o desenvolvemento tanto de contidos técnicos como de aplicación de contidos teóricos, así como de competencias persoais e metodolóxicas no ámbito laboral, así como de competencias participativas en ámbitos laborais comúns.
- Promover as posibilidades e perspectivas de innovación e creatividade do alumnado, con vistas á súa futura inserción laboral, desenvolvemento de proxectos autónomos e emprendemento. |
