O procesamento da linguaxe natural (PLN) é a área da intelixencia artificial que se ocupa do estudo e desenvolvemento de modelos computacionais que sexan capaces de procesar e comprender as particularidades da linguaxe natural coa mesma eficacia que os humanos.
Nesta materia, introducirase ao alumnado nos fundamentos básicos e as técnicas de aprendizaxe automática asociadas ao PLN, que se utilizan como punto de partida para o desenvolvemento de numerosas tecnoloxías da linguaxe e a explotación automática de textos.
O alumnado familiarizarase cos algoritmos e técnicas para representar a información latente presente en textos escritos en forma de árbores e grafos, con técnicas para representar palabras de forma que capturen de forma eficiente o seu significado, coa implementación de modelos utilizando técnicas de aprendizaxe automática e a súa aplicación a diversos problemas relacionados co PLN que resulten útiles para usuarios/usuarias non especializados, así como as técnicas existentes para que as tecnoloxías lingüísticas poidan aplicarse a diversas linguas, incluso aquelas para as que se dispoña de recursos escasos, anotados ou non.
(*)A Guía docente é o documento onde se visualiza a proposta académica
da UDC. Este documento é público e non se pode modificar, salvo casos excepcionais baixo a revisión do
órgano competente dacordo coa normativa vixente que establece o proceso de elaboración de guías
