Os axentes que aplican métodos de resolución de problemas adoitan utilizar representacións de estados sobre os que se constrúen procedementos aproximados de procura de solucións que non sempre son óptimas, pero que teñen calidade abondo para os recursos de tempo e computación dispoñibles. O alumnado coñecerá e saberá aplicar os algoritmos e heurísticas de propósito xeral máis habituais para a resolución de problemas de busca con representacións de estados, tanto mediante estratexias non informadas, como baseadas nalgún coñecemento aproximado do problema (busca informada). Trataranse tamén contextos máis complexos que condicionan ditas estratexias, como a existencia de adversarios ou restricións no proceso de busca. A materia abordará tamén algoritmos de planificación no eido da Intelixencia Artificial.
(*)A Guía docente é o documento onde se visualiza a proposta académica
da UDC. Este documento é público e non se pode modificar, salvo casos excepcionais baixo a revisión do
órgano competente dacordo coa normativa vixente que establece o proceso de elaboración de guías
