| Descrición xeral |
Despois do período da Guerra Fría a partir de 1989 comézase a incorporar a crítica feminista ás
estruturas de coñecemento subxacentes nas que se basearon os estudos de política internacional, coas que facer visibles os mecanismos e as relacións de dominación e subordinación entre homes e
mulleres indispensable para comprender as dinámicas xeopolíticas. Os estudos de xénero e a visibilización das mulleres, converteuse nun asunto central para as políticas de Nacións Unidas que queda subliñado desde a axenda do milenio e máis aínda se cabe na axenda 2030, ao destacar que sen igualdade e sen o empoderamento das nenas e mulleres, que constitúen a metade da poboación mundial, non será posible a consecución de sociedades desenvolvidas, sostibles e pacíficas. A perspectiva de xénero representa por tanto o principal reto do estudo e da práctica da política internacional, un coñecemento indispensable para aquelas persoas que han de formarse como especialistas en relacións internacionais. |
