Unha das orientacións principais da enxeñaría é a produción de bens. Ao longo de dos cursos anteriores fóronse estudando as materias que interveñen en desenvolvemento dun produto industrial. A Teoría de Máquinas contribúe a determinar elementos mecánicos e mecanismos que é posible empregar nun deseño, así como a capacidade de movemento de que está dotado e as forzas a que pode estar sometido. En Sistemas Mecánicos aprendeuse a dimensionar eses elementos, tanto ante cargas estáticas como variables no tempo. O Debuxo Técnico é capaz de plasmar en planos esa realidade de tal maneira que poida ser interpretada polo fabricante. Hoxe por hoxe, estes pasos corresponden ás fases de CAD e CAE que adoitan estar integradas en paquetes informáticos. Superada a fase de conceptualización, é necesario levar á realidade o elemento ou mecanismo ideado. Para iso necesítase coñecer as técnicas dispoñibles na industria para a fabricación de bens.
O obxecto da presente materia é o seguinte paso: coñecer a tecnoloxía que sexa capaz de fabricar eses produtos e constitúe o soporte teórico do CAM. Así mesmo, a Unidade Temática 1, dedicada á Metrotecnia permitiranos ter un criterio á hora de decidir as tolerancias e axustes coas que se fabricará un produto e verificar que o que fabricamos cumpre as especificacións de dimensións, rematado superficial, etc. establecidas.
(*)A Guía docente é o documento onde se visualiza a proposta académica
da UDC. Este documento é público e non se pode modificar, salvo casos excepcionais baixo a revisión do
órgano competente dacordo coa normativa vixente que establece o proceso de elaboración de guías
Asignaturas
