Para que un alumno sexa avaliado, ha de ter en conta que a asistencia a clase é obrigatoria. Contemplaranse casos excepcionais que poidan ser documentados.
Os alumnos repetidores que realizasen as prácticas no curso 2014/15 poderán optar entre realizar novamente as prácticas de laboratorio e ser avaliados, ou non realizalas, e conservar a puntuación do laboratorio do curso anterior. As prácticas de laboratorio son obrigatorias, co que un alumno que non as realizou, non ten opción de superar a materia.
A avaliación do alumno, e das competencias adquiridas, individualmente ou en grupo levará a cabo ponderando adecuadamente as seguintes actividades: Proba obxectiva presencial escrita 70%, Prácticas de laboratorio 10%, e Avaliación continua mediante o seguimento do alumno nas clases e tutorías, valorando a comprensión que o alumno adquire da materia, 20%. (Neste apartado inclúese conxuntamente a avaliación das solucións de problemas e as probas de resposta múltiple pois se considera que se deben complementar e cualificar conxuntamente aínda que a aplicación informática non o permite)
Na segunda oportunidade (Xullo), o sistema de avaliación é o mesmo que para a primeira oportunidade.
Os estudantes, que por razóns xustificadas (emprego, enfermidade,...) non realicen a avaliación continua, a proba obxectiva presencial escrita supón o 90% da puntuación. O 10% restante corresponde á puntuación das prácticas de laboratorio.
Os alumnos con cualificacións de "non presentado" son aqueles que non se presentaron á proba obxectiva.