Todas as actividades e traballos prácticos a realizar ao longo do cuadrimestre van contabilizarse para a nota final. O sistema de avaliación consiste na realización de dous controis ao longo do cuadrimestre. Trátase de exames con preguntas teóricas e prácticas. A nota final será a nota media desas avaliacións sempre e cando cada unha delas fose aprobada. De cara ao exame final conservarase a nota de cada parcial aprobado. En caso de suspender a materia nestes controis, o alumno acudirá ao exame oficial (en xaneiro).

Os alumnos a tempo parcial ou con dispensa académica serán obxecto dunha tutoría personalizada, por parte de calquera dos dous profesores que imparten a materia, un mes antes do exame final. A primeira tutoría establecerase na primeira semana do mes de decembro e a segunda na primeira semana do mes de xuño.