Descrición xeral |
Na chamada sociedade da información, sociedade do coñecemento, sociedade do aprendizaxe, sociedade multipantalla, sociedade do espectáculo, sociedade do entretemento, sociedade global, sociedade en rede, sociedade dixital, sociedade multicultural, sociedade de mercado, sociedade desigual, sociedade en crise… os educadores debemos preparar aos cidadáns para este novo e cambiante contexto. A omnipresencia dos medios de comunicación e o seu poder nas sociedades occidentais obriga a que estes medios, e os seus predominantes discursos audiovisuais, estean presentes tanto no ámbito da educación formal como no ámbito da educación non formal. O fin buscado nesta materia de educación mediática é favorecer a alfabetización nos medios de todos os cidadáns ofrecendo a posibilidade de poder actuar como receptores críticos e participantes activos, creativos e comprometidos coa defensa dos valores democráticos. |