A avaliación continua terá en conta a participación nas clases, así como todas as actividades desenvolvidas polo alumnado. A avaliación dos coñecementos teóricos realizarase mediante un exame.

a.- Exame 60% da cualificación.
b.- Participación nas actividades desenvolvidas na aula 40% (resolución problemas e casos 15%; realización de traballos 5%; presentación de traballos 10%; avaliación continua mediante preguntas e cuestións 10%).

Para poder sumar as notas das actividades desenvolvidas na aula, é necesario que o alumnado obteña como mínimo un 2,5 sobre 6 no exame teórico. A nota agregada deberá ser igual ou superior a 5 puntos sobre 10 para poder superar a materia.

É necesaria unha asistencia mínima ás clases do 80% para poder superar a materia. A puntuación do apartado b gardarase para a convocatoria de xullo, pero en ningún caso para os cursos posteriores.

Os criterios de avaliación son os mesmos para a primeira e segunda oportunidade de cada convocatoria, así como para a convocatoria adiantada. No caso de alumnado con dedicación a tempo parcial e dispensa académica de exención de asistencia, empregarase a plataforma virtual e o correo electrónico como vehículo de comunicación principal para a xestión de contidos, titorías e a entrega de traballos. Acordarase ao comezo do curso un calendario específico de datas compatible coa súa dedicación, pero terán o mesmo deber de realizar actividades e de acudir a calquera tipo de proba de avaliación que o alumnado a tempo completo.

A efectos de cualificación, a cualificación de non presentado corresponde ao alumnado cando só participe de actividades de avaliación que teñan unha ponderación inferior ao 20% sobre a cualificación final, con independencia da cualificación conseguida.