As datas de realización das probas e a entrega de traballos serán anunciadas con antelación na aula. Está
prohibido acceder ás aulas onde se desenvolven as probas de avaliación
con calquera dispositivo que permita a comunicación co exterior ou o
almacenamento de información.

As
probas mixtas son consideradas fundamentais para a avaliación, polo que
será necesario obter un mínimo do 40% da nota en cada unha das dúas
partes da proba mixta. Para iso o alumnado dispón en cada unha das dúas partes da oportunidade do parcial, a 1ª oportunidade e a 2ª.

Cada
proba mixta parcial aprobada (50% da nota) libera esa parte da
materia, polo que o alumnado non terá que facer o exame final da parte
liberada. Se
o/a alumno/a aprobou pero quere facer o exame final para subir nota, debe
solicitalo ao profesor/a por correo electrónico e obter a súa
autorización. O
alumnado que obteña a cualificación mínima dun parcial, pero non o aprobe, poderá optar por presentarse ou non ao exame final correspondente, pero non requiren a petición ao profesor/a.

A nota global da materia completarase co resto das probas de avaliación continua de acordo coa súa ponderación. A
materia aprobarase cando se obteñan 5 ou máis puntos sobre un total de 10 en el total da materia, e se alcance a nota mínima en ambas
partes da proba mixta. No
caso de non alcanzar a nota mínima nalgunha das partes da proba mixta, a
cualificación máxima que o/a alumno/a poderá obter é de 4,5.

O alumnado aprobado na primeira oportunidade non poderán presentarse para subir nota na 2ª oportunidade.

O
alumnado que libere unha ou ambas partes nos exames parciais ou finais,
pero non aprobe a asignatura, só serán válidos para o curso actual. Se un/una alumno/a que liberou unha parte non aproba a materia no seu
conxunto nas oportunidades de xaneiro ou xullo, a súa nota final será
suspendida e terá que repetir toda a materia nos seguintes cursos
académicos.

No
que respecta á cualificación de Non Presentado/a, só a obterán o alumnado que
se presentara a actividades que representan menos do 20% da nota final.

No
caso de estudantes con recoñecemento de dedicación a tempo parcial e
dispensa académica de exención de asistencia, aplicaranse as mesmas
normas de avaliación que ó resto. Están
exentos da asistencia ás clases pero teñen a mesma obriga de asistir a
calquera tipo de proba de avaliación, xa sexa de avaliación continua ou exame final.

As
condicións de avaliación da oportunidade avanzada serán específicas
para esta oportunidade, que será avaliada mediante unha proba mixta
que implicará o 100% da cualificación final.