Nesta asignatura abórdase a análise de Sistemas de Enerxía
Eléctrica (SEE) como macrosistemas que abarcan zonas xeográficas
extensas, en ocasións países enteiros, nos que se atopan liñas
de transporte, máquinas eléctricas, centrais de xeración de enerxía e
cargas eléctricas, que están sometidos a tensións e correntes de natureza
alterna e nos que se observan fenómenos electromagnéticos e
electromecánicos. En consecuencia, esta asignatura require dun
coñecemento fluído das técnicas de análises de circuítos eléctricos
trifásicos en corrente alterna, dos fundamentos das máquinas eléctricas e
dos principios básicos de campos electromagnéticos. Estes coñecementos
previos son aportados por materias como as seguintes: - Electrotecnia ou Teoría de Circuítos
Para as técnicas de análises de circuítos eléctricos, de corrente alterna e trifásicos.
- Máquinas Eléctricas
Para
o coñecemento dos principios electromagnéticos e electromecánicos das
máquinas eléctricas, os transformadores e as máquinas síncronas.
- Fundamentos de Sistemas Eléctricos
Este
tipo de materias será suficiente para cursar a asignatura de Tecnoloxía
Eléctrica a condición de que se aborden suficientemente os coñecementos
previos antes mencionados.
Os alumnos que non posúan os
coñecementos previos sinalados, excepción feita das técnicas de análises
de circuítos eléctricos, deberán haber cursado a asignatura
de Tecnoloxía Eléctrica Específica (Cód.730497017). |