| Sesión maxistral |
Nas sesións expositivas o ritmo da clase recaerá fundamentalmente na profesora, que tratará de familiarizar ao estudante cos contidos abordando de maneira sintética os aspectos e problemas que descoñece; a tal efecto, procurará ofrecer panorámicas xerais de carácter introductorio, que se completarán con bibliografía e/ou materiais que a docente facilitará a través do Campus Virtual. Para que o alumnado se implique nestas sesións, buscarase a súa intervención (preguntas-respostas, interpelacións...). |
| Obradoiro |
Combinación de diversas metodoloxías e probas (prácticas guiadas, exposicións, discusións dirixidas, exercicios de comentario, manexo de fontes instrumentais, etc.) a través das que o alumnado desenvolve tarefas aplicando os coñecementos adquiridos sobre distintos aspectos do programa, sempre co apoio e supervisión da profesora. Nalgún caso, pode solicitarse que cumplimente algún exercicio ou tarefa na casa para traballalo posteriormente na aula. Unha ou máis desas tarefas poderá(n) ser recollida(s) pola profesora para a avaliación. |
| Eventos científicos e/ou divulgativos |
De ser posible, asistirán a algunha conferencia ou evento que desenvolva algún aspecto do programa, no marco das actividades dalgún proxecto ou grupo de investigación que se celebren durante o curso 2021-2022. No caso de que a conferencia ou o evento no podan celebrarse, reemplazarase esta actividade por outra semellante (elaboración dun resumo dun texto oral ou escrito, visionado dalgún documental e comentario do mesmo...). |
| Traballos tutelados |
Cada estudante deberá preparar un breve traballo sobre algún aspecto do programa, que será asignado pola profesora, seguindo as pautas que no seu momento se establezan para a súa presentación. Na primeira fase, o alumnado lerá críticamente os textos sobre os que vaia traballar e buscará información sobre eles, así como bibliografía; preparará despois un guion ou esquema que debe discutir coa profesora nunha titoría. Contactará novamente coa docente noutra titoría para dar conta do progreso do seu labor e, no seu caso, da reorientación e dos problemas que determinaron a modificación do plan inicial.
|
| Lecturas |
Ademais dos textos literarios, de lectura obrigatoria, a profesora proporcionará artigos e estudios que axuden a asimilar ou completar a información das sesións maxistrais; poderán tamén marcarse algunha lectura máis, que o estudante levará a cabo fóra da aula, para participar nas actividades do obradoiro (resumo, esquema, debate, breve presentación dalgún texto ou tema...). |
| Proba mixta |
Ao final do curso, na data fixada pola Facultade, o alumno realizará unha proba dedicada a verificar a adquisición das competencias da materia, para o cal se lle plantexarán preguntas e exercicios de diverso tipo referidos ao programa, fundamentalmente en relación co traballo tutelado e coas tarefas entregadas, a modo de control da autoría desas materiais. Requeriráse, ademáis, que acade un nivel de expresión acorde co dun posgrao universitario.
|
Asignaturas