Criterios de avaliación

Segunda oportunidade

Os
criterios de avaliación en segunda oportunidade serán os mesmos que en
primeira. O alumno terá unha segunda oportunidade para realizar a proba mixta e
a proba práctica. Se a cualificación do alumno en primeira oportunidade
nalgunha das dúas probas é superior a 4, non será necesario que repita a proba
e daráselle a opción de conservar a nota obtida previamente.

Convocatoria adiantada.

Se
houbese alumnado que quixese presentarse á convocatoria adiantada de decembro
(Art. 19 "Normas de avaliación, revisión e reclamación das cualificacións
dos estudos de grao e máster universitario"), o alumnado que se presente a
esta convocatoria deberá realizar a proba mixta (35% da nota), a proba práctica
(40% da nota), e o traballo tutelado (25% da nota).O traballo de curso deberá
realizarse de forma individual.

Para
poder aprobar a materia, tanto na primeira como na segunda oportunidade de
avaliación, será preciso obter unha nota mínima de 3,5 puntos sobre 10 na parte
de proba mixta e a proba práctica, incluso se a nota media das actividades fora
maior a 5 (nese caso a nota será de SUSPENSO 4,5).

Cualificación “non presentado”

Asignarase
a cualificación "Non Presentado" ás persoas que non se presenten ao
exame final (proba práctica e proba mixta) en primeira oportunidade, segunda
oportunidade ou convocatoria adiantada.

Alumnado con recoñecemento de dedicación a tempo parcial e dispensa
académica de exención de asistencia

O
alumnado con recoñecemento de dedicación a tempo parcial e dispensa académica
de exención de asistencia deberá comunicar ao comezo do curso a súa situación
ao profesorado da materia, para así poder establecer un plan e calendario de
traballo. O sistema de avaliación será o seguinte: proba mixta (33%), proba
práctica (30%), traballos tutelados (25%) e prácticas a través de TIC (12%). O
traballo tutelado deberá realizarse en grupo.

Nota mínima

Para
poder aprobar a materia, tanto na primeira como na segunda oportunidade de
avaliación, será preciso obter unha nota mínima de 3,5 puntos sobre 10 na parte
de proba mixta e a proba práctica, incluso se a nota media das actividades fora
maior a 5 (nese caso a nota será de SUSPENSO 4,5).

Información adicional.

O
comportamento fraudulento en calquera dos apartados sometidos a avaliación
supoñerá a cualificación de "Suspenso (0)" na avaliación final. Está
prohibido acceder á aula na que se desenvolvan as distintas probas de
avaliación con calquera dispositivo que permita a comunicación co exterior e/ou
almacenamento de información (móbiles, reloxos intelixentes...).