NORMATIVA DE AVALIACIÓN

1. Condicións da avaliación: Non
se permitirá o acceso á aula do exame con calquera dispositivo que permita a
comunicación co exterior e/ou almacenamento de información.

2. Identificación do estudante: O
estudante deberá acreditar a súa personalidade de acordo coa normativa vixente.

AVALIACIÓN:

1. A asistencia ás clases é
imprescindible para a valoración de casos, discusións, solución de problemas e para
a realización das probas que se desenvolvan durante o curso.

2. Para superar a materia será
necesario alcanzar unha cualificación final (CF) de 5 sobre 10. 

3. Os exames finais (EX) cualificaranse
sobre 10, debéndose obter un mínimo de 5 puntos para aprobar. Neste caso a
cualificación final calcularase utilizando a seguinte fórmula: CF=EC+EX(10-EC)/10,
onde EC indica a puntuación obtida na avaliación continua durante o curso, que representa
o 30%, isto é un máximo de 3 puntos.

4. A cualificación de non
presentado corresponderá ao alumnado que non participe en actividades de
avaliación ou que soamente o faga naquelas que supoñan unha ponderación
inferior ao 20% da cualificación total, independentemente da que sería a
cualificación final obtida. 

5. O alumnado con recoñecemento
de dedicación a tempo parcial e dispensa académica de exención de asistencia
conforme o establecido na normativa específica da UDC poderán seguir a
avaliación continua acordándose ao inicio do curso un calendario de datas
compatible coa súa dedicación.

OPORTUNIDADES DE AVALIACIÓN:

Os criterios de avaliación son
os mesmos para todas as oportunidades, incluíndo a convocatoria adiantada. En
todas elas realizaranse as probas finais nas datas establecidas.

RECOMENDACIÓNS:

Para preparar as probas
utilizarase a bibliografía recomendada, así como o material entregado nas
clases. Aconséllase que se resolvan sempre todas as dúbidas que xurdan durante
o desenvolvemento das sesións, recorrendo á atención personalizada cando fose
necesario.