PRIMEIRA
OPORTUNIDADE

A
primeira oportunidade será avaliada do seguinte xeito:

• O
  50% da nota global da materia corresponderá a unha proba escrita
  teórica sobre os coñecementos e competencias adquiridos ao longo
  do curso. Será precisa unha NOTA MÍNIMA de 5 (sobre 10) nesta
  proba escrita para superar a materia.
  

  
  

• O
  45% da nota global da materia corresponderá coas prácticas
  desenvolvidas ao longo do curso empregando os recursos da aula
  informática. Cada práctica curta terá unha cualificación máxima
  de 3 puntos e cada práctica longa terá unha cualificación máxima
  de 7 puntos.

  
  

• Finalmente
  outro 5% da nota corresponderá á participación nas aulas de
  teoría e a resolución e entrega dos exercicios curtos que se
  propoñan na mesma nos diferentes temas.

  
  

• 
  A
  entrega das prácticas non é obrigatoria. Unha vez aprobada a proba
  escrita, a cualificación das prácticas entregadas correctamente
  sumarase á nota final.
  

  
  

OBSERVACIÓNS:

• 
  Terá
  cualificación de NON PRESENTADO calquera estudante que non realice
  a proba escrita teórica.

  
  

SEGUNDA
OPORTUNIDADE

Poderán
presentarse á segunda oportunidade UNICAMENTE aqueles/as estudantes
que non superen a materia na primeira oportunidade

A
segunda oportunidade constará de dúas partes:

• Proba
  escrita teórica (55% da nota final), para recuperar a nota da proba
  teórica da primeira oportunidade. Será precisa unha NOTA MÍNIMA
  de 5 (sobre 10) nesta proba escrita para superar a materia.

  
  

• 
  Actividades
  prácticas (45% da nota final) para recuperar a nota das actividades
  prácticas na aula informática. Estas actividades poderán ser, a
  criterio do equipo docente, as mesmas da primeira oportunidade ou
  outras de similar dificultade. O enunciado das actividades será
  publicado no Moodle da UDC logo de publicarse as cualificacións
  definitivas da primeira oportunidade.

  
  

OBSERVACIÓNS:

• Cada
  estudante poderá escoller se opta a recuperar todas ou parte das
  prácticas.
  

  
  

• Se
  un/unha estudante decide non realizar a recuperación da parte
  práctica, conservará a nota obtida na primeira oportunidade nesa
  parte.
  

  
  

• Os/as
  estudantes con nota inferior a 5 na proba escrita teórica na
  primeira oportunidade deberán recuperar esa parte na segunda
  oportunidade para aprobar a materia.
  

  
  

• 
  Aqueles
  alumnos/as que se presentan ao exame extraordinario (ou adiantado)
  de decembro, deberán contactar co profesorado para que se
  establezan as prácticas a entregar para superar a materia.
  

  
  

DISPENSA ACADÉMICA

Aqueles/as
estudantes con matrícula a tempo parcial e dispensa académica que
lles exima da asistencia ás clases poderán entregar as prácticas realizadas durante o curso empregando o material dispoñible en vídeo con explicacións dos enunciados publicados no Moodle da materia. Tanto en primeira como en segunda oportunidade, o 55% da nota global corresponderase coa proba escrita teórica e o 45% coas actividades prácticas.

OBSERVACIÓNS
Á AVALIACIÓN

A materia
poderá ser adaptada ao estudantado que precise da adopción de
medidas encamiñadas ao apoio á diversidade (física, visual,
auditiva, cognitiva, de aprendizaxe ou relacionada coa saúde
mental). De ser o caso, deberán contactar cos servizos dispoñibles
na UDC/no Centro: nos prazos oficiais estipulados de maneira
previa a cada cuadrimestre académico, coa Unidade de Atención á
Diversidade (https://www.udc.es/cufie/ADI/apoioalumnado/);
no seu defecto, coa Titora ADI da Facultade de Filoloxía (no
seguinte enderezo electrónico: pat.filoloxia@udc.gal)," para que o profesorado da materia poida adaptar os seus contidos e avaliación axeitadamente.