| Portafolios do alumno |
Cada alumna ou alumno irá completando ao longo do curso un caderno de notas persoal, portafolio ou caderno de bitácora. Será de follas brancas e estará encadernado. Haberá de reflectir todo o proceso de aprendizaxe vinculada coa materia, aínda que non ten que ser exclusivo da mesma, e debe incluír:
_Anotacións provenientes das sesións expositivas e as lecturas obrigatorias.
_Bosquexos e datos de obras de arquitectura que espertasen interese no estudante e/ou que se usen como referencia nos exercicios de taller.
_Rastros do proceso creativo de todos os exercicios de taller: reflexións, notas, datos, bosquexos, análises, diagramas, ideogramas, argumentos formais, obras de referencia, esquemas de planta e sección, etc. |
| Eventos científicos e/ou divulgativos |
Actividades realizadas polo alumnado que implican a asistencia e/ou participación en eventos científicos e/ou divulgativos (congresos, xornadas, simposios, cursos, seminarios, conferencias, exposicións, etc.) co obxectivo de profundar no coñecemento de temas de estudo relacionados coa materia. Estas actividades proporcionan ao alumnado coñecementos e experiencias actuais que incorporan as últimas novidades referentes a un determinado ámbito de estudo.
Preparación de material síntesis do traballo realizdo na materia para a súa publicación ou exposición pública. |
| Proba obxectiva |
Instrumento de medida articulado para avaliar as capacidades e competencias adquiridas polo alumno en relación á materia.
Consistirá nun exercicio de taller de carácter gráfico a realizar presencialmente nun marco temporal de catro horas, ao cabo das cales se producirá a entrega. Permítese manexar apuntamentos e exercicios propios. O alumnado haberá de demostrar as habilidades e competencias adquiridas en relación á conciencia da forma do espazo e a súa orde, sentido da proporción e a medida, mecanismos de composición, manipulación de curvas de nivel, trazado de escaleiras e manexo de recursos gráficos. |
Asignaturas