A) NORMATIVA DE AVALIACIÓN

A.1 Condicións de avaliación

As persoas que vaian realizar un exame presencial só poderán usar
un bolígrafo e unha calculadora científica non 
programable. Se fose necesario outro material, será facilitado polo
profesorado no momento de realizar a proba, ou anunciarase no Campus Virtual
cun mínimo de catorce días naturais antes da data do exame para que o estudante
tráiao o día da súa realización.

Seguindo a normativa aprobada pola Xunta da Facultade de Economía
e Empresa, está prohibido acceder á aula na que a se celebre o exame con
calquera dispositivo que permita a comunicación co exterior e/ou o
almacenamento de información, incluíndo apuntamentos da materia ou similares. Se
unha persoa é vista cun dispositivo deste tipo ao seu alcance durante a proba,
supoñerase que o emprega con ánimo de fraude e aplicarase a normativa
correspondente. As persoas que traian dispositivos deste tipo o día do exame
–incluídos teléfonos móbiles ou reloxos intelixentes- e non teñan onde
deixalos, deberán depositalos na entrada da aula antes do comezo da proba. O
profesorado non se fai responsable da súa posible perda ou extravío.

A.2 Identificación do estudante

O estudante ha de acreditar a súa personalidade de acordo coa
normativa vixente. Para iso o profesorado poderá requirir en calquera momento a
identificación do estudante, quen deberá acreditala mediante a tarxeta de
estudante da UDC, o documento nacional de identidade, ou un documento identificativo
que a xuízo do profesorado sexa equivalente aos anteriores.

A.3 Procedemento de actuación ante a realización fraudulenta dunha
actividade que computa na avaliación

Nesta materia aplicarase o
disposto no Regulamento disciplinar do estudantado da UDC. A realización
fraudulenta das probas ou actividades de avaliación, unha vez comprobada,
implicará directamente a cualificación de suspenso na convocatoria en que se
cometa: o estudante será cualificado con "suspenso" (nota numérica 0)
na convocatoria correspondente do curso académico, tanto se a comisión da falta
se produce na primeira oportunidade como na segunda. Para isto, procederase a
modificar a súa cualificación na acta de primeira oportunidade, se fose
necesario.

B) TIPOS DE CUALIFICACIÓN

B.1 Cualificación de non presentado

Seguindo a normativa aprobada pola Xunta da Facultade de Economía
e Empresa, só serán cualificadas con Non Presentado as persoas que se
presentaron a actividades que en conxunto supoñan menos do 20% da nota final desa
oportunidade.

B.2 Estudantes con recoñecemento de dedicación a tempo parcial e
dispensa académica de exención de asistencia

Aplicaránselles as mesmas normas de avaliación que ao estudantado
matriculado a tempo completo, tanto na primeira oportunidade como na segunda.
As persoas con recoñecemento de dedicación a tempo parcial están exentas da
asistencia a clase, pero teñen a mesma obrigación de acudir a calquera tipo de
proba de avaliación presencial que o estudantado a tempo completo.

C) CÁLCULO
DA CUALIFICACIÓN NAS DIFERENTES OPORTUNIDADES DE AVALIACIÓN

C.1 Contexto xeral

A materia ten dous contidos ben diferenciados, Estatística e
Introdución á Econometría. A cualificación final para o conxunto da materia
obtense a partir das notas das actividades que se explican a continuación.

C.1.1 Detalle das notas da parte de Estatística

- Avaliación continua da parte de Estatística: representa un 15%
da nota final (máximo 1,5 puntos), e consistirá na realización de boletíns de
problemas personalizados. Os boletíns hanse de entregar nas datas que se
anunciarán no Campus Virtual da materia na primeira semana de clase.

- Exame final da parte de Estatística: supón un 35% da nota final
(máximo 3,5 puntos). Ademais das dúas oportunidades oficiais que contempla a
normativa xeral do centro, farase un terceiro exame a mediados do cuadrimestre,
cuxa data se anunciará no Campus Virtual da materia na primeira semana de
clase.

C.1.2 Detalle das notas da parte de Introdución á Econometría

- Avaliación continua da parte de Introdución á Econometría:
representa un 15% da nota final (máximo 1,5 puntos), e consistirá en: 1) Un
boletín de problemas personalizados, que supoñerá un 3% (máximo 0,3 puntos) da
nota final. O boletín hase de entregar na data que se anunciará no Campus
Virtual da materia na primeira semana de clase. 2) Un traballo aplicado,
tutelado polo profesorado e realizado en grupo, no que combinarase o aprendido
nas sesións maxistrais e nas clases de taller e prácticas a través de TIC. Este
traballo supoñerá un 12% da nota final (máximo 1,2 puntos), e hase de entregar
na data que se anunciará no Campus Virtual da materia na primeira semana de
clase.

- Exame final da parte de Introdución á Econometría: supón un 35%
da nota final (máximo 3,5 puntos). Ademais das dúas oportunidades oficiais que
contempla a normativa xeral do centro, farase un terceiro exame ao final do
cuadrimestre, cuxa data se anunciará no Campus Virtual da materia na primeira
semana de clase.

C.1.3 Forma de realizar e entregar as actividades que computan na avaliación
continua

Para cada actividade de avaliación continua que o estudantado deba
realizar (todos os boletíns de problemas personalizados e o traballo tutelado)
publicaranse normas de entrega específicas no Campus Virtual da materia, que
detallarán os requisitos que se deben cumprir para que se considere que a
actividade foi realizada e entregada correctamente. O incumprimento deses
requisitos significará que parte da actividade está mal realizada e sexa
cualificada cun cero, supoñerá unha penalización da puntuación, ou levará a
considerar que a actividade non se entregou, dependendo do requisito concreto
que non se satisfaga. Cada estudante será responsable de comprobar que o que
vai entregar cumpre os requisitos pedidos antes de proceder á entrega definitiva.

Estas normas de entrega publicaranse no Campus Virtual cun mínimo
de catorce días naturais antes da data límite de entrega da actividade
correspondente.

C.2
Cualificación final do período de clases

C.2.1 Ao final do período de clases cada estudante terá:

a) Unha cualificación provisional para a parte de Estatística, que
variará entre cero e cinco puntos, e que obterase sumando as notas das
actividades de avaliación continua e do exame liberatorio desta parte.

b) Unha cualificación provisional para a parte de Introdución á
Econometría, que variará entre cero e cinco puntos, e que obterase sumando as
notas das actividades de avaliación continua e do exame liberatorio desta
parte.

c) Unha cualificación provisional para o conxunto da materia,
obtida como suma das anteriores, e que variará entre cero e dez puntos.

C.2.2 Na lista que publicarase no Campus Virtual da materia
figurará a cualificación numérica final do estudante, no caso de que teña toda
a materia aprobada, ou a(s) parte(s) que terá que repetir no exame oficial da
primeira oportunidade, se ten a materia suspensa. Pódense dar catro
posibilidades:

a) Ter aprobada toda a materia.

b) Ter liberada a parte de Estatística e suspensa a parte de
Introdución á Econometría.

c) Ter suspensa a parte de Estatística e liberada a parte de
Introdución á Econometría.

d) Ter suspensas as dúas partes.

C.2.3 Para aprobar a materia é imprescindible cumprir tres
requisitos:

a) Ter unha cualificación mínima de cinco puntos no conxunto da
materia.

b) Ter unha cualificación total mínima de dous puntos en cada unha
das partes.

c) Ter unha cualificación mínima de 1,25 puntos no exame de cada unha
das partes.

Os estudantes que satisfagan estes tres requisitos ao final do
período de clases estarán aprobados, e non terán que presentarse ao exame
oficial da primeira oportunidade.

C.2.4 Terán liberada unha parte da materia os estudantes que
obteñan unha cualificación mínima de 2,5 puntos sumando todas as actividades desa parte e unha cualificación mínima de 1,25 puntos no correspondente exame liberatorio, calquera que sexa a
cualificación que teñan na outra parte. Os exames oficiais da primeira e da
segunda oportunidade terán dúas partes, unha para Estatística e outra para
Introdución á Econometría. Se un estudante ten unha parte da materia liberada
ao final do período de clases, na primeira e na segunda oportunidade só terá que
repetir o exame da parte suspensa.

C.2.5 As partes liberadas da materia só son válidas para o curso
actual. Se un estudante que ten liberada unha parte non consegue aprobar a
materia no seu conxunto nas dúas oportunidades oficiais, a súa cualificación final
será suspenso, e terá que repetir toda a materia nos seguintes cursos
académicos.

C.3
Cualificación final da primeira oportunidade

C.3.1 Estudantes que aprobaron a materia no período de clases

Na acta da primeira oportunidade figurará a cualificación numérica
publicada na lista de cualificacións do final do período de clases, salvo que o
estudante presentásese a subir nota (véxase máis adiante o punto C.3.5).

C.3.2 Estudantes que ao final do período de clases teñan unha
parte liberada e outra suspensa

Estas persoas terán que repetir o exame da parte suspensa o día e
hora fixados pola Facultade de Economía e Empresa para o exame oficial da
primeira oportunidade da materia. A nova nota substituirá á nota do exame
liberatorio para todos os efectos, e será a que se use para calcular a
cualificación final da primeira oportunidade.

Nas demais actividades do curso (todas as actividades da parte
liberada e a avaliación continua da parte suspensa) manteranse as notas do
período de clases.

C.3.3 Estudantes que ao final do período de clases teñan toda a
materia suspensa

Estas persoas terán que repetir os exames de Estatística e de
Introdución á Econometría o día e hora fixados pola Facultade de Economía e
Empresa para o exame oficial da primeira oportunidade da materia. As novas
notas substituirán ás notas dos exames liberatorios para todos os efectos, e
serán as que se usen para calcular a cualificación final da primeira
oportunidade.

Se un estudante que ten que repetir os dous exames, o de Estatística e o de Introdución á Econometría, só repite un deles, considerarase que tamén fixo o exame da outra parte e que o deixou en branco, co que será cualificado cun cero no exame que non fixo e terá a materia suspensa.

Nas actividades de avaliación continua (todos os boletíns de
problemas personalizados e o traballo tutelado) manteranse as notas do período
de clases.

C.3.4 Cálculo da nota que figurará na acta da primeira
oportunidade

Soamente aprobarán a materia as persoas que cumpran os tres
requisitos indicados no punto C.2.3. A cualificación que figurará na acta da
primeira oportunidade será a suma das notas de todas as actividades realizadas,
coas seguintes excepcións:

- Os estudantes cuxa suma total sexa igual ou superior a cinco
puntos pero que teñan a materia suspensa por non chegar ao mínimo de dous
puntos nalgunha das partes ou ao mínimo de 1,25 puntos nalgún dos exames, serán
cualificados na acta da primeira oportunidade con 4,5 puntos.

- Tamén serán cualificados con 4,5 puntos os estudantes cuxa nota
total non chegue aos cinco puntos pero sexa superior a 4,5.

C.3.5 Posibilidade de presentarse a subir nota no exame oficial da
primeira oportunidade

Os estudantes que liberasen algunha parte da materia durante o
período de clases poderán presentarse a subir nota no exame oficial da primeira
oportunidade sempre que o notifiquen en tempo e forma ao profesorado, e que
este o autorice por escrito. Os estudantes que teñan aprobada toda a materia
poden presentarse á totalidade da materia ou só a unha parte da mesma, á súa
elección. As persoas que teñan unha parte suspensa poderán presentarse a subir
a nota da outra parte, pero non terán a materia aprobada mentres non cumpran
todos os requisitos establecidos no punto C.2.3.

Se un estudante decide presentarse a subir a nota dunha parte que
xa ten liberada, a nova nota que obteña no exame oficial substituirá á nota que
tiña no correspondente exame liberatorio para todos os efectos. Por tanto é
posible que unha persoa que tiña unha parte liberada e preséntese a subir nota,
pase a ter esa parte suspensa e por tanto suspenda toda a materia.

C.4
Cualificación final da segunda oportunidade

C.4.1 Estudantes que despois da primeira oportunidade teñan unha
parte liberada e outra suspensa

Estas persoas terán que repetir obrigatoriamente o exame da parte
suspensa o día e hora fixados pola Facultade de Economía e Empresa para o exame
oficial da segunda oportunidade da materia. A nova nota substituirá á nota da
primeira oportunidade para todos os efectos, e será a que se use para calcular
a cualificación final da segunda oportunidade.

En canto ás demáis actividades
do curso (todas as actividades da parte liberada e a avaliación continua da
parte suspensa), por defecto mantéñense as notas obtidas na primeira
oportunidade. Para a súa posible repetición, véxase o punto C.4.3.

C.4.2 Estudantes que despois da primeira oportunidade teñan toda a
materia suspensa

Estas persoas terán que repetir obrigatoriamente os exames de
Estatística e de Introdución á Econometría o día e hora fixados pola Facultade
de Economía e Empresa para o exame oficial da segunda oportunidade da materia.
As novas notas substituirán ás notas da primeira oportunidade para todos os
efectos, e serán as que se usen para calcular a cualificación final da segunda
oportunidade.

Se un estudante que ten que repetir os dous exames, o de
Estatística e o de Introdución á Econometría, só repite un deles, considerarase
que tamén fixo o exame da outra parte e que o deixou en branco, co que será
cualificado cun cero no exame que non fixo e terá a materia suspensa.

En canto ás demáis actividades
do curso (todos os boletíns de problemas personalizados e o traballo tutelado),
por defecto mantéñense as notas obtidas na primeira oportunidade. Para a súa
posible repetición, véxase o punto C.4.3.

C.4.3 Posibilidade de acadar o
100% da cualificación da materia na segunda oportunidade

Seguindo as orientacións da Facultade de Economía e Empresa, os estudantes, se así o
desexan, poderán acadar o 100% da cualificación da materia na segunda
oportunidade, independentemente das notas que obtivesen na primeira
oportunidade.

Para iso o estudante poderá escoller entre:

a) Ser cualificado da maneira que se explicou nos puntos C.4.1 e
C.4.2, mantendo as notas da primeira oportunidade da avaliación continua e, se
é o caso, do exame da parte liberada.

b) Renunciar a todas as notas da primeira oportunidade e
examinarse de toda a materia polo 100% da cualificación na segunda
oportunidade.

No segundo caso téñase en conta que:

- O estudante fará un exame da parte de Estatística e outro da
parte de Introdución á Econometría. Cada exame será cualificado sobre cinco
puntos.

- Os dous exames faranse o día e hora fixados pola Facultade de
Economía e Empresa para o exame oficial da segunda oportunidade da materia.

- Para aprobar é necesario cumprir dous requisitos: 1) obter unha
nota mínima de dous puntos (sobre cinco) no exame de cada parte; e 2) obter
unha nota mínima de cinco puntos ao sumar as notas dos exames de Estatística e
de Introdución á Econometría.

- Estes exames por si sós non permiten obter a cualificación de
Matrícula de Honra. Para optar a ela é necesario:

a) Obter unha nota de dez puntos sumando os dous exames, e

b) Realizar unha proba adicional similar ao traballo tutelado de
Introdución á Econometría. Esa proba realizarase nun prazo máximo de sete días
a contar desde a data do exame oficial da segunda oportunidade da materia.

Antes do comezo do periodo de avaliación da segunda oportunidade,
o profesorado anunciará no Campus Virtual da materia o procedemento que deben
seguir as persoas que queiran obter o 100% da cualificación na
segunda oportunidade. Nese momento abrirase un prazo para que o estudantado
interesado notifíqueo ao profesorado, que finalizará uns días antes do comezo
do período de avaliación da segunda oportunidade. As notificacións que non se
envíen ao profesorado en tempo e forma antes da data límite non se terán en
conta. As datas concretas en que se anunciarán o procedemento a seguir e o
prazo da notificación publicaranse no Campus Virtual da materia na primeira
semana de clases.

Por defecto manteranse as notas da primeira
oportunidade que se detallaron nos puntos C.4.1 e C.4.2 para todos os
estudantes, de modo que as persoas que queiran examinarse de toda a materia e
ser cualificadas sobre dez puntos terán que solicitalo expresamente. Iso inclúe
aos estudantes que non entregasen ningunha actividade ou que non se presentasen
a ningún exame na primeira oportunidade: se non solicitan en tempo e forma que
os seus exames sexan calificados sobre dez puntos, a súa cualificación da
segunda oportunidade calcularase da maneira que se explicou no punto C.4.2.

C.4.4 Cálculo da nota que figurará na acta da segunda oportunidade

Soamente aprobarán a materia as persoas que cumpran os tres requisitos
indicados no punto C.2.3 ou, no caso das que opten por
acadar o 100% da cualificación na segunda oportunidade, as que cumpran os dous
requisitos indicados no punto C.4.3. A cualificación que figurará na acta da segunda
oportunidade será a suma das notas de todas as actividades realizadas, coas
seguintes excepcións:

- Os estudantes cuxa suma total sexa igual ou superior a cinco
puntos pero que teñan a materia suspensa por non chegar ao mínimo de dous
puntos nalgunha das partes ou ao mínimo de 1,25 puntos ou de dous puntos, según proceda, nalgún dos exames, serán
cualificados na acta da segunda oportunidade con 4,5 puntos.

- Tamén serán cualificados con 4,5 puntos os estudantes cuxa nota
total non chegue aos cinco puntos pero sexa superior a 4,5.

- Os estudantes que opten por
acadar o 100% da cualificación na segunda oportunidade e que teñan un dez no
exame, pero que non fagan a proba adicional para a Matricula de Honra ou que a fagan e non a superen,
serán cualificados con 9,5 puntos (Sobresaliente).

C.5
Convocatoria adiantada

A cualificación determinarase mediante un exame que se celebrará
na data que estableza o centro. O exame cualificarase sobre un máximo de dez
puntos, dos cales a parte de Estatística supoñerá un máximo de cinco puntos e a
parte de Introdución á Econometría un máximo de cinco puntos. Para aprobar a
materia será necesario cumprir os dous seguintes requisitos:

a) Ter unha cualificación mínima de cinco puntos no conxunto da
materia.

b) Ter unha cualificación mínima de dous puntos (sobre cinco) en cada unha das
partes.