1. A CUALIFICACIÓN FINAL DA PRIMEIRA OPORTUNIDADE (xuño 2024) responderá á seguinte distribución porcentual:

1.1. Un 60% responderá a diversas actividades realizadas dentro e fóra da aula, grupais e/ou individuais, no marco dos obradoiros. Este apartado comprenderá 3-4 tarefas, que entregarán no momento, lugar e formato que se indiquen.

1.2. Un 30% responderá ao traballo titorizado que o/a estudante realizará sobre un tema determinado polo profesor, incluíndo a súa posible exposición e defensa, así como os materiais desenvolvidos para a transmisión dos contidos aos restantes participantes no curso.

1.3. Un 10% responderá á asistencia, participación e desempeño do estudante no desenvolvemento da materia, é dicir, tanto nas aulas presenciais como no traballo fóra delas.

1.4.a. Quen teña unha dispensa académica oficial (DAO) realizará as mesmas actividades e traballos que o resto dos/das estudantes,excepto aquelas que requiran presencialidade na aula; estas últimas substituiranse por outras tarefas. No caso do traballo titorizado, a súa posible exposición na aula substituirase por unha gravación da mesma en Teams. Só en casos moi específicos e xustificados se considerarán outras solucións. A súa cualificación final responderá á seguinte distribución porcentual: un 35% polo traballo titorizado, e un 65% polas restantes actividades avaliables.

1.4.b. Quen curse a materia por segunda ou máis veces poderá optar polo sistema ordinario de avaliación ou polo do alumnado con dispensa académica oficial.

1.5. Recibirá a cualificación final de Non Presentado (N.P.) quen entregue menos da metade das tarefas do apartado 1.1 (ou, de ser o caso, non realizara a proba mixta) e non realice o traballo titorizado (ou, de ser o caso, a proba mixta).

1.6. Os traballos, actividades ou informes/recensións nos que se detecte copia total ou parcial cualificaranse con cero puntos, e mesmo poderán supoñer o suspenso global na materia. Os entregados fóra de prazo sufrirán unha redución considerable na cualificación ou mesmo se computarán só na 2.ª oportunidade de xullo.

1.7. A materia poderá ser adaptada ao alumnado que precise da adopción de
medidas de apoio á diversidade, consonte ás indicacións da Unidade de
Atención á Diversidade (https://www.udc.es/cufie/ADI/),
coa que se deberá contactar nos prazos establecidos por esta unidade.
Pódese contar tamén co asesoramento da titora ADI da facultade (pat.filoloxia@udc.gal). En todo caso, quen solicitou que se lle recoñeza a
condición de estudante con adaptación e aínda non se lle comunicou a decisión,
debe informar ao coordinador da materia (manuel.fernandez.ferreiro@udc.gal).

1.8. Superará a materia quen obteña unha cualificación mínima global de 5.00, sempre que realizara o traballo titorizado e entregara polo menos a metade das outras actividades avaliables encomendadas.

2. SEGUNDA OPORTUNIDADE DE XULLO (xullo 2024)

2.1. O reparto porcentual será idéntico ao da 1.ª oportunidade, e conservaranse as cualificacións obtidas nela. Os/as estudantes deberán realizar as actividades, informes/recensións e traballos encargados (ou os que os substitúan) que non realizaran ou superaran no seu momento.

2.2. Quen debera realizar a proba mixta e non a superara, deberá facelo na data de xullo establecida polo centro.

2.3. A quen recibira unha cualificación inferior a 5.00 no apartado de “Asistencia, participación e desempeño”, aplicaráselle a mesma distribución porcentual na cualificación final que aos estudantes con DAO.

3. OPORTUNIDADE DE AVALIACIÓN ADIANTADA (decembro 2023)

3.1. Poden presentarse a esta oportunidade só estudantes cuns poucos créditos pendentes para rematar a titulación. Consúltese a documentación pertinente na web da UDC.

3.2. Realizarase a avaliación exclusivamente mediante unha PROBA MIXTA ESCRITA de carácter teórico-práctico, pola que se outorgará o 100% da cualificación. Recoméndase que o/a estudante contacte o antes posible co profesor se desexa presentarse a esta oportunidade.

4. A fraude académica é absolutamente inaceptable. O profesor/a poderá utilizar ferramentas de busca e
anticopia (entre elas Turnitin) para detectar plaxios nos materiais que
desenvolvan os/as estudantes durante o curso. De atopárense coincidencias que
exceden o razoable, terá consecuencias na súa cualificación: desde a minoración
da cualificación ou o suspenso no traballo específico, ata a cualificación global de
suspenso na materia. Lémbrase a este respecto que o Regulamento disciplinar do estudantado da UDC recolle que a fraude
académica é unha falta grave ou moi grave, e establece as sancións para estes
casos: véxanse, entre outros, os artigos 10.3.f e 11.4.b (https://sede.udc.gal/services/electronic_board/EXP2023/007335).

Lémbrase que o mesmo Regulamento prohibe
a gravación, uso e distribución indebidos dos materiais utilizados nas materias:
non se poderán gravar ou distribuír por medio algún os materiais escritos e audiovisuais
utilizados na materia, con propósitos alleos aos propios dela.

A expresión escrita e a oral serán sempre axeitadas. A falta de corrección
ortográfica, de estilo e/ou de adecuación expositiva reflectirase negativamente
nas cualificacións.