A avaliación da materia sustentarase
na realización e avaliación, se as circunstancia o permiten, de dúas prácticas de carácter obrigatorio:

•1ª práctica (valor máximo de 5
puntos sobre a nota final): consistirá na confección razoada e xustificada da
estrutura dun posible traballo fin de grao.

•2ª práctica (valor máximo de 5
puntos sobre a nota final): consistirá, principalmente, na redacción dun guión borrador inicial do marco teórico dun
hipotético traballo fin de grao.

Establecerase, ao longo do primeiro
cuadrimestre, unha única data de entrega presencial para cada práctica obrigatoria.
En caso de non alcanzar os 5 puntos, ou non ter presentado as prácticas obrigatorias
durante o transcurso do primeiro cuadrimestre, o/a alumno/a poderá entregalas
novamente nas datas oficiais fixadas polo centro (convocatorias de primeira oportunidade e segunda oportunidade).

O alumnado que non entregara en tempo
e forma unha das dúas prácticas obrigatorias, obtería unha cualificación final
de non presentado.

O alumnado que se acolla ao recoñecemento de dedicación a tempo parcial
ou dispensa académica de exención de asistencia, terá que presentar as dúas
prácticas obrigatorias nas datas oficiais fixadas polo centro
(convocatorias de xaneiro e xullo).  

A
realización de plaxio implicará a cualificación de suspenso na convocatoria en
que se cometa. Con outras palabras, o/a estudante será cualificado con
“suspenso” (nota numérica 0) na convocatoria correspondente do curso académico,
tanto se a comisión da falta se produce na primeira oportunidade como na
segunda. Para isto, procederase a modificar a súa cualificación na acta de primeira
oportunidade, se fose necesario.