A) NORMATIVA DE AVALIACIÓN:

1. Condicións de avaliación: está
   prohibido acceder ás aulas de exame con calquera dispositivo aceso que permita a comunicación co exterior e/ou o almacenamento
   de información. En canto á comisión de fraude e responsabilidades
   disciplinarias, aplicarase o disposto nas "Normas de avaliación, revisión e
   reclamación das cualificacións dos estudos de grao e mestrado
   universitario" da UDC. En particular, a realización fraudulenta das probas ou actividades de avaliación,
   unha vez comprobada, implicará directamente a cualificación de suspenso na
   convocatoria en que se cometa: o/a estudante será cualificado/a con “suspenso”
   (nota numérica 0) na convocatoria correspondente do curso académico, tanto se a
   comisión da falta se produce na primeira oportunidade como na segunda. Para
   isto, procederase a modificar a súa cualificación na acta de primeira
   oportunidade, se fose necesario.
   
   
2. Identificación: cada estudiante deberá acreditar a súa personalidade dacordo coa normativa vixente.

B) TIPOS DE CUALIFICACIÓN:

1. A cualificación de NON PRESENTADO só se outorgará ao alumnado cuxa participación en actividades de
   avaliación teña unha ponderación inferior ao 20% sobre a cualificación
   final, con independencia da cualificación acadada.
2. A avaliación exposta tamén rexe para o alumnado con recoñecemento de
   dedicación a tempo parcial e dispensa académica de exención de asistencia.

C) OPORTUNIDADES DE AVALIACIÓN:

1. Primeira oportunidade: aplicaranse os criterios de avaliación anteriormente presentados nesta sección.
2. Segunda oportunidade: avaliarase cunha proba mixta (exame) polo 100% da cualificación final, salvo que da
   aplicación dos mesmos criterios de avaliación da primeira oportunidade
   resulte unha cualificación superior, a cal prevalecerá.
3. Oportunidade adiantada: avaliarase cunha proba mixta polo 100% da cualificación final.