É conveniente que o alumnado teña coñecementos básicos de cálculo de probabilidades e inferencia estatística. Tamén é recomendable dispoñer dunhas habilidades medias no manexo de software estatístico. Para un mellor aprendizaxe da materia, é desexable ter presente o sentido práctico dos métodos que se están coñecendo. Aconséllase participar activamente no proceso de aprendizaxe, incluíndo a asistencia ás sesións teóricas e prácticas.

En canto á aplicación da vixente normativa en materia de igualdade, compre suliñar que:

• Incorporarase a perspectiva de xénero nesta materia (usarase linguaxe non sexista, propiciarase a intervención en clase de alumnos e alumnas...).
• Traballarase para identificar e modificar prexuízos e actitudes sexistas e influirase na contorna para modificalos e fomentar valores de respecto e igualdade.
• Tentarase detectar situacións de discriminación por razón de xénero, propoñendo accións e medidas para corrixilas.