O exame individual de prácticas (proba obxectiva) terá lugar no mesmo
día fixado para o exame da materia e poderán establecerse distintos
turnos dependendo do número de estudantes matriculados; é necesario
dispor, previamente, do material de todas as prácticas realizadas ao
longo do curso no portátil de cada estudante, ou ben na
súa conta de usuario.

Presentarse ao exame de prácticas ou ao exame de teoría suporá unha
calificación distinta ao "non presentado" na acta correspondente.

Segundo
o previsto na Norma que regula o réxime de dedicación ao estudo dos
estudantes de Grao da UDC, os estudiantes poderán optar na matrícula por
unha dedicación a tempo parcial e dispensa académica de exención de
asistencia. A súa implantación no ámbito desta materia suporá que, de
forma xeral, a calificación que figurará na acta será a mellor entre a
obtida según o criterio especificado nesta sección da guía docente, e a
obtida únicamente coa proba obxectiva ponderando nun 70% o exame de
teoría e nun 30% o exame de prácticas.

Na 2ª oportunidade o estudante poderá presentarse novamente tanto ao
exame de prácticas como ao exame teórico (partes previstas na proba
obxectiva). De non presentarse a algún deles, conservarase nel a calificación obtida na 1ª oportunidade.

Na
oportunidade adiantada de decembro o 100% da avaliación corresponderá a
un exame específico de teoría que incluirá cuestións relacionadas coas
prácticas.

A
realización fraudulenta das probas ou actividades de avaliación, unha
vez comprobada, implicará directamente a cualificación de suspenso na
convocatoria en que se cometa: o/a estudante será cualificado con
“suspenso” (nota numérica 0) na convocatoria correspondente do curso
académico, tanto se a comisión da falta se produce na primeira
oportunidade como na segunda. Para isto, procederase a modificar a súa
cualificación na acta de primeira oportunidade, se fose necesario.