Os textos e probas presentaranse ao alumno redactados no idioma de impartición da materia (castelán). Se algún alumno desexase unha copia do mesmo noutro idioma oficial da UDC deberá solicitalo ao profesor coordinador unha semana antes da data da súa realización.

Todo o exposto con anterioridade será de aplicación tanto para o alumnado con dedicación a tempo completo como para aquel con dedicación a tempo parcial. No caso da Sesión Maxistral (metodoloxía de avaliación que require asistencia), o alumno/a con matrícula a tempo parcial e dispensa académica de exención de asistencia traspasarase o 10% da avaliación á proba obxectiva, que pasará a ponderar un 30% nestes casos.

A realización fraudulenta de probas ou actividades de avaliación implicará a cualificación de suspenso na convocatoria e respecto á materia na que se cometese: o/a estudante será cualificado con “suspenso” (nota numérica 0) na convocatoria correspondente do curso académico, tanto se a comisión da falta prodúcese na primeira oportunidade como na segunda. Para isto, procederase a modificar a súa cualificación na acta de primeira oportunidade, se fose necesario (Regulamento disciplinar do estudantado da UDC, art. 11, apdo 4 b). Entenderase por fraude académica calquera comportamento premeditado tendente a falsear os resultados dun exame ou traballo, propio ou alleo, realizado como requisito para superar unha materia ou acreditar o rendemento académico (Lei 3/2022, do 24 de febreiro, de convivencia universitaria; art. 11, apdo g)