Para superar a materia, cada estudante debe obter polo menos o 50% dos puntos correspondentes a cada unha das actividades de avaliación.

En caso de non superar a materia na primeira oportunidade, o alumnado poderá tentar superala na segunda oportunidade mediante a mellora das mesmas actividades. Alternativamente, poderá realizar unha proba mixta sobre os contidos da materia.

Para o alumnado con recoñecemento de dedicación a tempo parcial e
dispensa académica de exención de asistencia, acordarase ao inicio do
curso un calendario específico de titorías compatible coa súa
dedicación.

De xeito excepcional, o alumnado que nunca participou nas sesións (nin
de aula, nin de Teams, nin no Foro de Moodle) realizará o traballo
tutelado, que lle valerá o 80% da cualificación final, así como unha
pequena proba oral que lle valerá o 20% da cualificación final. A proba
realizarase telematicamente ou por teléfono, en formato de entrevista
que durará uns 30 minutos, aproximadamente. Como alternativa á proba
oral, a/o estudante en cuestión pode optar por realizar unha proba mixta, con material, cun límite de dúas horas para a
súa realización por Teams.