Normativa de avaliación:

• Está prohibido acceder á aula do exame/probas con calquera dispositivo que permita a comunicación co exterior e/ou o almacenaxe de información.
• Así mesmo, se esixe asistencia obrigatoria á clase da materia desde o primeiro día. En caso de que o/a estudante estea pendente de completar o proceso de matrícula, se lle esixirá copia asinada da matrícula académica coa data correspondente para que non computen as ausencias iniciais. Dito requisito de asistencia é obrigatorio para presentarse ás probas do curso tanto na primeira como na segunda oportunidade. Só se pode faltar á clase, sen os xustificantes oficiais que sinala a normativa académica, como máximo a 4 clases no cuadrimestre. 
• En paralelo, só están dispensados de asistir á clase presencial, pero non das probas realizadas ao longo do curso, os estudantes que teñan concedida a dispensa académica oficial. É dicir, trátase do caso dos estudantes con "recoñecemento de dedicación a tempo parcial e dispensa académica de exención de asistencia". O estudante que se atope nestas circunstancias debe poñerse en contacto obrigatoriamente cos seus docentes vía correo electrónico da UDC antes do 30 de setembro de 2024.
• É necesario que cada alumno que desexe realizar as probas se identifique correctamente co D.N.I. na aula onde se vaia realizar a proba (ten que acreditar a súa identidade de acordo coa normativa vixente).
• Os estudantes deben consultar obrigatoria e frecuentemente o campus virtual da materia, onde o/a docente coloca a información relevante. Ademais, os estudantes deben subir unha foto actualizada ao seu perfil no campus virtual para a súa correcta identificación.
• A realización fraudulenta das probas ou actividades de avaliación, unha vez comprobada, implicará directamente a cualificación de suspenso na convocatoria en que se cometa: o/a estudante será cualificado con “suspenso” (nota numérica 0) na convocatoria correspondente do curso académico, tanto se a comisión da falta se produce na primeira oportunidade como na segunda. Para isto, procederase a modificar a súa cualificación na acta de primeira oportunidade, se for necesario.

Tipo de cualificación:

• A cualificación de "non presentado" corresponde ao alumno/a, cando só participe de actividades de avaliación que teñan unha ponderación inferior ao 20% sobre a cualificación final, con independencia da cualificación acadada.

Oportunidades de avaliación:

• 1ª oportunidade: todos os estudantes, incluídos os que teñan recoñecemento de dedicación a tempo parcial e dispensa académica de exención de asistencia, poderán superar a materia obtendo polo menos 50 puntos dos 100 totais entre todas as probas do curso, incluíndo o exame da 1ª oportunidade. Aqueles estudantes que non poidan acudir ás probas do curso con motivo debidamente xustificado (xustificado cos certificados correspondentes para os casos que contempla a normativa académica -caso de enfermidade ou accidente, por exemplo-), poderán realizar as mesmas noutra ocasión que lles será comunicada tendo en conta o sinalado polo regulamento académico.
• Respecto á convocatoria da segunda oportunidade e a da extraordinaria adiantada, ámbalas dúas consistirán na realización dunha proba obxectiva cun valor máximo do 100% da nota final. Deste xeito, nesta proba poderáse recuperar a avaliación continua correspondente ás probas prácticas realizadas no primeiro cuadrimestre. Os estudantes poderán superar a materia nas citadas oportunidades obtendo 50 puntos dos 100 potenciais.