Primeira oportunidade: a cualificación
global calcúlase promediando a proba realizada na data oficial de exame (70%) e
a avaliación continua realizada durante o cuadrimestre (30%)

Segunda oportunidade: realizarase
so unha proba mixta valorada en 10 puntos. A cualificación da segunda oportunidade
será a maior dos dous seguintes valores:

• O resultado do
  exame final realizado na data oficial desta segunda oportunidade
• 
  
  O resultado
  de promediar o devandito exame ó 70%, coa avaliación continua ó 30%.

Oportunidade adiantada: avaliarase
mediante unha proba mixta de 10 puntos, relativa ós contidos e competencias
definidos na guía do curso inmediatamente anterior.

Tódalas probas de avaliación deben
realizarse de forma presencial e na data prevista, coas únicas excepcións que
sexan aplicables conforme á normativa académica; en caso contrario computarán como
cero. Os alumnos con recoñecemento de dedicación parcial e/ou o exención de
asistencia seguirán o mesmo calendario e normas de avaliación que os restantes
alumnos.

Fraude: é de aplicación o previsto
no artigo 14 da normativa de avaliación da UDC, e no punto b do apartado 4 do
artigo 11 do regulamento disciplinar do estudantado da UDC. De acordo co
previsto nestas normas, as persoas implicadas serán expulsadas da proba e recibirán
unha cualificación de cero en ámbalas oportunidades, sen perxuizo das responsabilidades
disciplinares adicionais que poidan ser esixibles.

Instrumentos electrónicos: salvo
autorización expresa, non se permite o acceso á aula con dispositivos
electrónicos susceptibles de almacenar e/ou transmitir datos, tales como
smartwatches, móbiles ou calculadoras intelixentes. A presenza presencia en
lugares inxustificados entenderase motivo suficiente para a expulsión de la proba,
coas consecuencias previstas no parágrafo anterior.

Quen desexen ser avaliados nun idioma
concreto dos empregados na docencia deberán manifestalo por escrito dentro da
primeira semana lectiva do cuadrimestre en que se imparta a materia.

Identificación: o  alumnado deberá acreditar fidedignamente a súa
identidade dacordo coa normativa vixente.

Revisión
de cualificacións: para dar cumprimento ás garantías previstas no art.
23.1 da normativa de avaliación da UDC, as probas de avaliación continua revisaranse
xunto co exame final, cando se publiquen as cualificacións provisorias da
primeira oportunidade, e dende ese momento os seus resultados serán firmes.
Cando se solicite a revisión, comprobaranse tódalas cualificacións e, caso de existir
algún erro, rectificaranse á alza ou á baixa segundo proceda.