ASISTENCIA E SISTEMA DE AVALIACIÓN

A asistencia ás aulas é obrigatoria. O alumnado con asistencia regular e que ocasionalmente non acuda a unha sesión deberá entregar as actividades realizadas na aula. 

A cualificación final será o resultado das puntuación obtidas nas catro actividades de avaliación descritas. Para superar a materia é indispensábel obter a metade da cualificación no portafolio e no traballo tutelado e ter realizadas as dúas tarefas restantes. Cando non se realicen algunha das actividades que computan na avaliación, cualificación será non presentado.

Na avaliación da segunda oportunidade deberán de recuperarse as actividades non superadas e/ou non realizadas na primeira oportunidade.

Na  avaliación  adiantada, o alumnado realizara o traballo tutelado (4) e as prácticas a través das TIC (1) e unha proba  mixta (5)  sobre os contidos teóricos e  o traballo tutelado. 

O alumnado que non asista a clase realizará   a proba mixta, unha proba oral sobre o traballo tutelado  e  o traballo tutelado de forma individual. 

A falta de integridade académica (plaxio   e outro tipo de fraudes académicos)  implica modificacións no sistema de avaliacion, no que  o portafolio será substituído por unha proba mixta sobre os contidos teóricos e sobre o traballo tutelado. 

A utilización do galego e a súa calidade lingüística tamén vai ser obxecto de avaliación na presentación oral e nas actividades grupais e individuais. O seu peso na cualificación final pode acadar até 0,5 puntos.

Ao rematar as aulas e na data acordada, cada grupo presentará un dossier que inclúa as actividades grupais (a presentación oral e a unidade didáctica), a planificación do traballo grupal e as fichas de auto e coavaliación do funcionamento do equipo de traballo, Os resultados da co-avaliación teñen efectos na cualificación individual de cada alumna e alumno.

Asistencia e sistema de avaliación das persoas  con dispensa académica

Segundo o establecido na
"  norma que regula o réxime de dedicación  ao estudo e a permanencia  e a progresión dos estudantes do grao e máster universitario na UDC"(aprobada polo Consello Social do 04/05/2017):

• O alumnado con dispensa académica deberá comunicarlle  a profesora  esta condición na primeira smana  de clase ou  nun prazo non superior  a sete días, despois  de que lle fora concedida a dispensa académica. 
• As persoas con dispensa académica realizarán as tarefas grupais individualmente e unha proba mixta (de ensaio sobre os contidos da materia e de aplicación práctica). Neste caso, a distribución das cualificacións é a seguinte: proba mixta (4 puntos), traballo tutelado (5 puntos), presentación oral (0,5 puntos) e as prácticas a través das TIC (0,5 punto). Para superar a materia hai que obter a metade da cualificación no exame e no traballo tutelado.

No  que fai á asistencia, o alumnado con  dispensa académica ten  que acudir obligatoriamente  a 14 horas de clase  que se corresponden coas explicacións  dos distintos elementos  do traballo tutelado e coa  realiación dalgunhas actividades  de clase invertida. 

FALTA DE INTEGRIDADE ACADÉMICA

a) Ausencia de citación de fontes
As citas e referencias a calquer tipo de texto deben declararse ao longo do texto e no apartado de referencias bibliográficas, utilizando as normas APA 7 edición. Co obxectivo de visibilizar as autoras utilizarase a citación xusta.