A materia preséntase como un sistema de avaliación continua que consistirá
nunha parte teórico-práctica (2 exames) e outra cunha orientación exclusivamente
práctica (2 prácticas a realizar na aula). A avaliación, pois, seguirá o
seguinte esquema:

-2 exames parciais compostos por preguntas curtas e/ou tipo test e
exercicios que requirirán cálculos matemáticos e interpretación de resultados,
para os que estará permitido o uso de calculadora. Farase a media aritmética
dos dous exames no caso de obter, polo menos, unha nota de 2,5 en cada un
deles. Esta parte supón o 70% da nota final da materia.

-2 prácticas consistentes na realización, interpretación e/ou análise de exercicios
prácticos. Estas prácticas serán realizadas nas horas de clase e non se poderán
entregar fóra das mesmas. Cada práctica supón o 15% da nota final da materia e
para ser tidas en consideración será necesario obter un 2,5 polo menos nunha
delas.

Para superar a materia será necesario:

-Obter, polo menos, unha nota media de 4,0 na parte teórico-práctica
(exames).

-Presentar como mínimo unha práctica cunha nota de 2,5.

-Obter unha nota final de 5,0 ou superior.   

No caso de non aprobar a materia durante a avaliación continua ou optar por
non seguir esta modalidade de avaliación, o alumnado poderase presentar á proba
obxectiva nas convocatorias oficiais  que consistirá nun exame que
abarcará toda a materia e estará composto por cuestións curtas e/ou tipo test e
exercicios prácticos que requirirán cálculos matemáticos e interpretación de
resultados, para os cales e estará permitido o uso de calculadora.

Non se gardará ningunha nota para as convocatorias oficiais.

Todos os aspectos relacionados coa “dispensa académica”, “dedicación ao
estudo”, “permanencia” e “fraude académico” rexeranse de acordo coa normativa académica vixente da
UDC.