1. OPCIÓNS DE AVALIACIÓN

Atendendo ó traballo e á participación do alumnado na materia, a avaliación contempla dúas opcións:

Opción 1: Para o alumnado que asiste/participa nas actividades de aula
(asistencia mínima 80%), é obrigatorio estar integrado en un grupo de
traballo que se conformará nas primeiras sesións de clase e
correspóndelle a porcentaxe de avaliación
seguinte: 10%  Análise de Fontes Documentais; 30% Aprendizaxe Servizo; 10% Presentación Oral; 50% Proba de ensaio, na que será preciso obter unha puntuación igual ou superior a 2.25 sobre 5 para poder superar a materia na 1ª oportunidade. Quen non teña una asistencia mínima do 80% non terá opción a realizar a proba de ensaio, será avaliado/a no resto das metodoloxías peron non calificado/a na 1ª oportunidade.

A cualificación final será a suma das puntuacións obtidas en cada un dos elementos de avalaición segundo o seu peso respectivo, salvo que na proba de ensaio a puntuación sexa inferior a 2.25. Neste caso, a cualificación final corresponderase coa acadada nesta proba.

Na realizacion da proba de ensaio, o alumnado poderá dispor do material dado pola docente ou de elaboración propia durante os 30 minutos iniciais.

No caso de que a avaliación resulte negatia ó final do cuadrimestre (1ª oportunidade), a convocatoria de xullo (2ª oportunidade) estará sometida aos mesmos criterios que na 1ª oportunidade e só se repetirá a proba escrita, gardándose as partes superadas da materia de unha convocatoria a outra, dentro do mesmo curso académico.

A realización fraudulenta das probas ou actividades de avaliación, unha vez comprobada, implicará directamente a cualificación de suspenso na materia na convocatoria en que se cometa: o/a estudante será calificado de "suspenso" (nota numérica 0) na convocatoria correspondente do curso académico, tanto se a comisión da falta se produce na primeira oportunidada como na segunda. Para isto, procederase a modificar a súa cualificación na acta da primeira oportunidade, se fose necesario.

Opción 2: Para o alumnado que non asiste/participa nas actividades de aula (asistencia inferior ao 80%):alumnado de continuación de estudios, con dedicación a tempo parcial e dispensa académica. Este alumnado realizará unha proba de ensaio con carácter obrigatorio ao final do
cuadrimestre (1ª oportunidade) na data sinalada oficialmente
(50% do total da nota final) ademáis dos traballos tutelados que en cada caso
particular se especifiquen (50% restante). A cualificación final sera a
suma das puntuacións obtidas en cada un dos elementos de avaliación
segundo o seu peso respectivo. Na realización da proba de ensaio, o alumnado poderá dispor do material
dado pola docente ou de elaboración propia durante os 30 minutos
iniciais.

No caso de que a avaliación resulte negativa ao final do cuadrimestre (1ª oportunidade), a
convocatoria de xullo (2ª oportunidade) estará sometida aos mesmos criterios que a convocatoria anterior e só se repetirá a proba escrita, gardándose as
partes superadas da materia de unha oportunidade a outra, dentro do
mesmo curso académico.

Todos os aspectos relacionados con “dispensa académica”, “dedicación ao estudo”, “permanencia” e “fraude académica” se rexeranse de acordo coa normativa académica vixente da UDC (https://www.udc.es/gl/normativa/academica/)

A realización fraudulenta das probas ou actividades de avaliación, unha
vez comprobada, implicará directamente a cualificación de suspenso na
materia na convocatoria en que se cometa: o/a estudante será calificado
de "suspenso" (nota numérica 0) na convocatoria correspondente do curso
académico, tanto se a comisión da falta se produce na primeira
oportunidada como na segunda. Para isto, procederase a modificar a súa
cualificación na acta da primeira oportunidade, se fose necesario.

2. OBSERVACIONS ADICIONAIS:

- Para superar a materia  tanto na 1ª como na 2ª oportunidade é imprescindible presentar todas as
actividades e prácticas propostas ademáis de realizar a proba de ensaio.
De faltar algunha actividade ou práctica non hai opción a facer a proba
escrita. Se o caso se dá na 1ª oportunidade, a materia quedará pendente para a 2ª oportunidade, figurando na Acta como Non Presentado/a.

- O sistema de avaliación poderá flexibilizarse segundo estime pertinente a docente que imparte a materia en cada grupo.

- A puntualidade, a regularidade da asistencia ás sesións de clase así como o interese amosado , a actitude diante da materia e das actividades, e a participación e colaboración serán aspectos positivos á hora da avaliación.

-
Calquera circunstancia persoal que poida alteirar o seguimento da
materia por parte do alumnado deberá ser comunicada de inmediato, xustificaada e acreditada para poder ter dereito a unha avaliación axustada as súas necesidades, evitando agravios co resto do alumnado. Neste caso, a docente tomará as medidas a que houbera lugar en cada caso para buscar a mellor opción, en beneficio do alumno ou alumna e o seu dereito a una aprendizaxe en igualdade e equidade. De non facelo así, o alumnado será considerado na opción 1 e a súa avaliación estará sometida ao xa descrito.

- Ao longo do 2º
cuadrimestre pode haber actividades de carácter científico e/ou
divulgativo relacionadas coa materia que a docente considera oportuna a
súa asistencia ainda que estén programadas fora do horario da materia,
pero dentro do horario lectivo xeral. Nese caso, o alumnado será avisado
con antelación para que poida asistir. Estas actividades computarán na
evaluación.

- O alumnado de modalidades específicas de aprendizaxe e apoio á diversidade deberá informar debidamente do seu caso á docente coa debida acreditación para poder adaptar a súa situación individual ás esixencias curriculares da materia e garantir a necesaria igualdade de condicións no proceso de aprendizaxe e de oportuidades na avaliación. En casos como os mencionados, a docente adoptará as medidas que considere oportunas nas probas de avaliación para non perxudicar a súa calificación final.

- O alumnado de Continuación de estudos (repetidor), obrigatoriamente deberá poñerse en contacto ca profesora antes
do 20 de febreiro do presente curso académico para que lle indique,
segundo os casos, a relación de traballos que terán que realizar de
maneira individual. De non facelo, terán a mesma consideración que os
matriculados na Opción 1. En calquera caso  e unha vez comunicada a súa situación, establecerase unha proba oral ou escrita,
segundo os casos, con carácter obrigatorio para todos  o final do
cuatrimestre (1ª oportunidade), na data sinalada oficialmente, e que suporá o 50% da nota
final. O outro 50% corresponderá ós traballos que en cada caso sexan
asignados expresamente ao alumnado e para os cales se fixará unha data de entrega. No caso de non entregar nada na data fixada, non haberá opción a facer a proba de ensaio. Na realización desta proba, o alumnado poderá dispor do material
dado pola docente ou de elaboración propia durante os 30 minutos
iniciais.

A realización fraudulenta das probas ou actividades de avaliación, unha
vez comprobada, implicará directamente a cualificación de suspenso na
materia na convocatoria en que se cometa: o/a estudante será calificado
de "suspenso" (nota numérica 0) na convocatoria correspondente do curso
académico, tanto se a comisión da falta se produce na primeira
oportunidada como na segunda. Para isto, procederase a modificar a súa
cualificación na acta da primeira oportunidade, se fose necesario.

Todas as condicións descritas serán válidas para a 2ª oportunidade.