A Biblioteca da Facultade ocupa as plantas primeira e segunda do edificio. O acceso realízase a través do primeiro andar, sendo interior o acceso ó segundo andar. A biblioteca ten accesíbeis de xeito directo a maior parte dos seus fondos bibliográficos.

Teléfono: 981 167 000, extensións 2461, 2471 e 2478.

Web: http://www.udc.gal/biblioteca.economia

Horario

Curso académico: das 8.30 ás 21.30 horas.

Períodos de vacacións: coincide co horario de apertura do Centro.

Servizos ofertados:

Consulta en sala:

A biblioteca conta con 310 postos de lectura, distribuídos en dúas plantas e diferentes seccións (salas de consulta libros, hemeroteca, mediateca). A maior parte dos fondos están en libre acceso e encóntranse colocados seguindo unha clasificación por materias.

Servizo de Préstamo:

Gran parte do fondo bibliográfico da Biblioteca da UDC pode ser obxecto de préstamo para toda a comunidade universitaria. Para utilizar o servizo e necesario dispoñer da tarxeta de identificación universitaria ou algún documento legal (DNI).

Podemos optar por diversos tipos de préstamo:

• A domicilio: pódense solicitar en préstamo materiais no solo da túa biblioteca senón tamén das restantes bibliotecas da UDC (préstamo intercentros) sen se desprazar a elas. O préstamo para un estudante de 1º curso é de 3 libros durante 7 días. Determinados exemplares (etiqueta verde) só se poderán levar en préstamo os fins de semana. Renovacións: podes renovar o préstamo sempre que no haxa outro usuario que queira consultar o libro.
• Interbibliotecario: facilita documentos que non existen na biblioteca da UDC e non se poden adquirir. Este servizo está suxeito a tarifas acordadas con outras institucións.

O uso do servizo de préstamo implica o cumprimento da súa normativa, que pode consultarse na web do Servizo de Biblioteca.

Servizo de información e referencia:

O Servizo de Información Bibliográfica e Referencia proporciona, tanto nos servizos centrais coma nas distintas bibliotecas de centro da UDC, información e asistencia sobre:

• Horarios, servizos e normas da biblioteca.
• Organización e localización dos fondos documentais.
• Funcionamento e manexo do catálogo automatizado.
• Acceso a redes de información nacionais e internacionais a través de Internet.
• Utilización e consulta das distintas bases de datos.
• Buscas bibliográficas a través do Formulario Electrónico dispoñible na Web do Servizo de Biblioteca.

Servizo de adquisicións bibliográficas:

O usuario da biblioteca pode solicitar a adquisición de todo o material bibliográfico que considere necesario para o correcto desenvolvemento da súa aprendizaxe e formación que non se atope xa na Biblioteca. Hai un formulario electrónico a disposición dos usuarios, soamente teñen que solicitar o seu envío ao persoal da biblioteca. As solicitudes de adquisición pódense reemitir ao seguinte enderezo de correo electrónico: becem.bib@udc.es

Servizo de formación de usuarios:

O persoal da Biblioteca imparte cursos de formación no uso da Biblioteca e dos seus recursos.

Participación dos usuarios.

A Biblioteca necesita a participación dos seus usuarios para mellorar os seus servizos. Pódese colaborar de diferentes modos:

• Formulación de comentarios, queixas e suxestións.
• A cobertura de cuestionarios de avaliación do servizo.
• A participación nas actividades formativas da Biblioteca.
• Solicitando as becas de colaboración bibliográfica da biblioteca.

Tamén os usuarios da Biblioteca dispoñen dunha carta de deberes e dereitos que poden consultar na sala ou ben na web da Biblioteca Universitaria: www.udc.es/biblioteca/galego/index.htm