A asistencia a todas as actividades avaliables é necesaria para superar a materia. Para aprobar a materia será preciso obter tanto na proba mixta como na proba práctica unha nota igual ou superior ao 4 e conseguir, sumadas as cualificacións de todas as actividades avaliables, unha nota mínima de 5 sobre 10. Por tanto, de non alcanzar a puntuación mínima nalgunha das probas, a materia figurará como suspensa, aínda que a cualificación media sexa igual ou maior que 5 (nese caso a puntuación asignada será de 4,5). Os alumnos que non superasen a proba práctica deberán repetila na oportunidade de xuño.

A cualificación será non presentado cando a asistencia ás sesión presenciais (obradoiros, seminarios e prácticas de laboratorio) sexa inferior ao 51%.

No que respecta á segunda oportunidade de avaliación, as cualificacións das probas de xullo substituirán ás obtidas nas probas de xuño. A cualificación dos obradoiros poderase conservar na oportunidade de xullo ou, de maneira alternativa, como parte final da proba mixta de xullo, os
alumnos poderán realizar un exercicio avaliable, con actividades análogas ás desenvolvidas nos obradoiros durante o curso. As cualificacións das prácticas de laboratorio obtidas na primeira oportunidade conservaranse para a segunda oportunidade de avaliación. A proba práctica deberá repetirse en xullo no caso de tela suspensa.

Os alumnos avaliados en la segunda oportunidade só poderán optar á Matrícula de Honra se o número máximo destas para o correspondente curso non se cubriu na súa totalidade na primeira oportunidade.

O proceso de ensino-aprendizaxe, incluída a avaliación, refírese a un curso académico completo, e por tanto volverá comezar cun novo curso académico, incluídas todas as actividades e procedementos de avaliación que se programen para devandito curso.