Consideracións xerais:

O alumnado disporá de dúas oportunidades
oficiais para superar a materia. Así
mesmo, realizaranse 2 exames parciais teóricos e un exame práctico
liberatorios ao longo do cuadrimestre.

Como xa se indicou, as prácticas son obrigatorias e necesaria a súa realización para superar a materia.

A cualificación de Non
Presentado aplicarase no caso de que o/a alumno/a non
se presentase ás probas correspondentes nas oportunidades oficiais de avaliación.

Aspectos e criterios de avaliación:

1. Alumnado con dedicación completa

Na
oportunidade de final de cuadrimestre teranse en conta, para o cómputo
da cualificación global, os distintos apartados recollidos no sistema de
avaliación, debéndose superar cada un destes para proceder ao cálculo
da cualificación final (global). Como xa se indicou, realizaranse dous
exames parciais teóricos escritos (e un práctico) durante o período
lectivo da materia (o primeiro dos parciais representará un 40%, mentres
que o segundo suporá o 60%), así como un exame final para o/as alumno/as
que ou ben non superasen devanditos exames teóricos e/ou práctico, ou
ben non se presentaran aos mesmos, representando o 65% da cualificación final. O exame práctico suporá o 20% da cualificación final. A realización das actividades expostas (proba obxectiva) durante as sesións en grupo reducido suporá o 10% da cualificación final,
mentres que a asistencia e participación activa nas clases teóricas
(maxistrais e sesións en grupo reducido) e prácticas suporá o 5% da cualificación final.

Na
segunda oportunidade poderase/n recuperar a/s parte/s non
superada/s, teórica (no seu conxunto) e/ou práctica, representando éstas
o 80% e o 20% da cualificación final, respectivamente.

2. Alumnado con recoñecemento de dedicación a
tempo parcial e dispensa académica de exención de asistencia

Tanto
na oportunidade de final de cuadrimestre como na segunda oportunidade teranse en conta, para o
cómputo da cualificación global, a calificación obtida no exame teórico e
a correspondente á parte práctica (ver máis arriba formato de ámbolos
dous exames), representando éstas o 80% e o 20% da cualificación final, respectivamente.

Nota:
Para que se teñan en conta as cualificacións nas distintas actividades
suxeitas a avaliación é preciso superar (alcanzar o 50% da
cualificación) cada un dos apartados que integran o devandito sistema de
avaliación. De non alcanzarse dita puntuación nalgunha delas e aínda
que a media dos distintos apartados sexa igual ou superior a 5 (sobre
10) a materia figurará como suspensa e a cualificación de 4,9.