Consideracións xerais:

O alumnado disporá de dúas oportunidades oficiais para superar a materia. Así mesmo, realizaranse 2 exames parciais teóricos e un exame práctico liberatorios ao longo do cuadrimestre.

Coma xa se indicou, as prácticas son obrigatorias e necesaria a súa realización para superar a materia.

A cualificación de Non Presentado aplicarase no caso de que o alumnado non se presentase ás probas correspondentes nas oportunidades oficiais de avaliación.

Aspectos e criterios de avaliación:

1. Alumnado con dedicación completa

Na oportunidade de final de cuadrimestre (primeira oportunidade) teranse en conta, para o cómputo da cualificación global, os distintos apartados recollidos no sistema de avaliación, debéndose superar cada un destes para proceder ao cálculo da cualificación final (global). Como xa se indicou, realizaranse dous exames parciais teóricos (e un práctico) durante o período lectivo da materia (o primeiro dos parciais teóricos representará un 40%, mentres que o segundo suporá o 60%), así como un exame final para o alumnado que ou ben non superase devanditos exames teóricos e/ou práctico, ou ben non se presentara aos mesmos, representando o 60% da cualificación final. O exame práctico suporá o 25% da cualificación final. A realización das probas obxectivas durante as sesións en grupo reducido suporá o 10% da cualificación final, mentres que a asistencia e participación activa nas clases teóricas (maxistrais e sesións en grupo reducido) e prácticas suporá o 5% da cualificación final.

Na segunda oportunidade poderase/n recuperar a/s parte/s non superada/s, teórica (no seu conxunto) e/ou práctica, representando éstas o 75% e o 25% da cualificación final, respectivamente.

2. Alumnado con recoñecemento de dedicación a tempo parcial e dispensa académica de exención de asistencia

Tanto na oportunidade de final de cuadrimestre (primeira oportunidade) como na segunda oportunidade teranse en conta, para o cómputo da cualificación global, a calificación obtida no exame teórico e a correspondente á parte práctica (ver máis arriba formato de ámbolos dous exames), representando estas o 75% e o 25% da cualificación final, respectivamente.

Nota: 

Para que se teñan en conta as cualificacións nas distintas actividades suxeitas a avaliación é preciso superar (alcanzar o 50% da cualificación) cada un dos apartados/probas que integran o devandito sistema de avaliación. De non alcanzarse dita puntuación nalgunha delas e aínda que a media dos distintos apartados/probas sexa igual ou superior a 5 (sobre 10) a materia figurará como suspensa e a cualificación de 4,9.

A realización
fraudulenta das probas ou actividades de avaliación conlevará a aplicación da
normativa vixente ao respecto.