Entre as disciplinas nas que o biólogo pode exercer a súa profesión está a Fisioloxía Vexetal, a ciencia que estuda como funcionan as plantas. Esta materia pretende proporcionar coñecementos e habilidades relativos a esta ciencia, así como unha actitude positiva ante ela.
Plan de continxencia
Nas “Instrucións do 1 de xullo de 2021 da Secretaría Xeral de Universidades, de
previsión de medidas de adaptación das universidades do Sistema universitario de Galicia para o curso 2021/2022” dise na instrución segunda :
“SEGUNDA.- Guías docentes
1.- As guías docentes conterán, de xeito xeral, un escenario de normalidade adaptada, é dicir, unha situación acorde co grao de presencialidade estimado como normal no momento previo á pandemia.
2.- Haberá un único escenario alternativo, previsto para situacións temporais limitadas por restricións locais derivadas de gromos ou peches na localidade en que se localice o centro docente. Descártase contemplar un escenario de confinamento no programa das materias
3.- Para asegurar o cumprimento dos criterios de calidade, a guía docente de cada unha das materias incluídas no plano de estudos dunha titulación oficial de grao ou máster universitario deberá incluír un apartado denominado “Plano de continxencia no cal estableceranse as medidas de adaptación ao escenario alternativo previsto, tanto das metodoloxías docentes como dos sistemas de avaliación, así como a posibilidade de realizar actividades alternativas naqueles casos nos que sexa inviable a realización das prácticas previstas por causas derivadas da situación epidemiolóxica.”
Polo tanto, a continuación se indica o plan de continxencia previsto nesta materia:
1.Modificacións nos contidos
Non se modificarán os contidos, pois son necesarios para a formación dos estudantes que escollan esta materia.
2. Metodoloxías
*Metodoloxías docentes que se manteñen
Todas, pero a súa realización sería en liña mentres dure o escenario alternativo.
3. Mecanismos de atención personalizada ao alumnado
Correo electrónico, titorías por Teams e foros no Campus Virtual, con atención diaria en datas lectivas no caso do correo electrónico e foros, e previa petición do alumnado no caso das titorías por Teams.
4. Modificacións na avaliación
Seguiranse as indicacións dos órganos de goberno da Universidade da Coruña. Se esas indicacións o contemplan, poderase realizar unha avaliación en liña (Campus Virtual e outras ferramentas institucionais).
*Observacións de avaliación: Seguiranse as indicacións dos órganos de goberno da Universidade da Coruña
5. Modificacións da bibliografía ou webgrafía
Libros e artigos alternativos e/ou adicionais en formato electrónico aos que se poida ter acceso dende o inicio dese cuadrimestre (condicionado a que se publiquen en aberto nos vindeiros meses ou haxa una subscrición institucional), e en calquera caso materiais adicionais ad hoc xerados polos profesores.
(*)A Guía docente é o documento onde se visualiza a proposta académica
da UDC. Este documento é público e non se pode modificar, salvo casos excepcionais baixo a revisión do
órgano competente dacordo coa normativa vixente que establece o proceso de elaboración de guías
Asignaturas
