Consideracións Xerais • A avaliación da materia sustentarase nun
exame de contidos teóricos (representando o 65% da cualificación total),
un exame de contidos prácticos (20% da cualificación total) e unha
avaliación das actividades realizadas en grupo reducido (15% da
cualificación total) • Obterán a cualificación de Non Presentado (NP)
as/os estudantes que non se teñan presentado ao exame de contidos
teóricos e/ou ao exame de contidos prácticos.

Aspectos e Criterios
de Avaliación • Mediante o exame de contidos teóricos avalíanse as
compentencias A1/A7. Mediante o exame de contidos prácticos avalíanse as
competencias A1/A2. Mediante a avaliación de contidos tratados en
grupos reducidos avalíanse as competencias A29/B1/B3/B4/B5/B6/B8/B9/B11.

Para a superación da materia na primeira oportunidade de avaliación é imprescindible cumprir os seguintes requisitos:

1) Presentarse ao exame de contidos teóricos e ao exame de contidos prácticos.

2)
Obter no exame teórico unha cualificación mínima dun 4,5 sobre 10 (2,9
sobre 6,5) no exame teórico e acadar, como mínimo, untotal de 5 puntos
sobre 10, engadindo a puntuación acadada no exame de contidos prácticos e
nas probas de avaliación en grupo reducido. Os/as estudantes que non
acaden como mínimo un 4,5 dobre 10 no exame de contidos teóricos, e
ainda que ca suma do resto de contidos acaden 5 puntos, obterán a
cualificación final de “Suspenso”,consignándose como nota a acadada no
exame de contidos teóricos.

As cualificacións obtidas nas
distintas actividades realizadas durante o curso (prácticas, actividades
en grupo reducido) mantéñense para a segunda oportunidade de avaliación
do mesmo curso académico. Porén, as/os estudantes que o desexen
poderanse presentar a un novo exame de prácticas,renunciando
automaticamente á cualificación que obtiveran no exame de prácticas da
1ª oportunidade e séndolle substituída esta pola acadada no da
2ªoportunidade. Para a superación da materia na 2ª oportunidade de
avaliación e para a consignación da cualificación no expediente
académico considéranse os mesmos requisitos que os sinalados para a 1ª
oportunidade.

Estudantes a tempo parcial e dispensa académica de exención de asistencia, e casos excepcionais • En caso de que o/a
estudante, por razóns debidamente xustificadas, non puidese realizar determinadas
actividades e/ou probas de avaliación, poderá poñelo en coñecemento do profesorado,
quen valorará a situación e poderá adoptar as medidas que considere oportunas e
viables para tratar de paliala.