PRIMEIRA OPORTUNIDADE

Aproximadamente a metade de cuadrimestre, realizarase unha proba parcial
(PARCIAL 1) que podería liberar materia do exame final no caso de que o
estudante alcance unha puntuación mínima de 1,4 puntos sobre 3,5.

Durante o período de docencia, propoñerase a realización dun
traballo tutelado que se elaborará en grupo. Este traballo terá un peso na cualificación dun máximo de 3,0
puntos sobre 10 e non se requirirá puntuación mínima.

Coincidindo coa data oficial de avaliación da primeira oportunidade,
realizarase un exame final que constará de dous partes (PARCIAL 1 +
PARCIAL 2).

Para aprobar a materia, os estudantes haberán de alcanzar un mínimo de
5,0 puntos tras sumar todas as cualificacións das actividades de
avaliación e, ademais, haberán de obter unha puntuación mínima de 1,4
puntos sobre 3,5 en cada un dos dous parciais de que consta o exame
final.

SEGUNDA OPORTUNIDADE

Realizarase un exame final que constará de dous partes (PARCIAL 1 +
PARCIAL 2).

Aqueles estudantes que na primeira oportunidade alcanzasen nalgún dos dous
exames parciais un mínimo de 1,4 puntos sobre 3,5 terán a opción de non
repetilo na segunda oportunidade e, por tanto, conservar a cualificación
anteriormente obtida. A cualificación obtida para o traballo grupal conservarase na segunda oportunidade.

Para aprobar a materia os estudantes haberán de alcanzar un mínimo de
5,0 puntos tras sumar todas as cualificacións das actividades de
avaliación (traballo e parciais) e, ademais, haberán de obter unha
puntuación mínima de 1,4 puntos sobre 3,5 en cada un dos dous parciais.

TEMPO PARCIAL E DISPENSA ACADÉMICA

A avaliación do alumnado con recoñecemento de dedicación a tempo parcial e dispensa académica de exención de asistencia seguirá os mesmos criterios, e consistirá nas mesmas probas que o resto do alumnado.

FRAUDE NAS ACTIVIDADES DE AVALIACIÓN

Durante a realización da proba práctica, en calquera das dúas oportunidades, agás que se indique o contrario,
está prohibido o uso de calquera dispositivo con acceso a Internet. Se
durante a realización da proba práctica hai indicios do uso non
autorizado deses dispositivos, o estudante será expulsado da aula, e
procederase segundo a Ley 3/2022, de 24 de febrero, de convivencia
universitaria e o regulamento disciplinar do estudantado da UDC.

A
realización fraudulenta das probas e/ou actividades
implicará directamente a cualificación de suspenso ("0") na materia na
convocatoria correspondente, invalidando calquera cualificación obtida
en tódalas actividades de cara á seguinte oportunidade, de existir,
dentro do mesmo curso académico. Considérase fraudulenta a realización
das actividades, propostas a ser completadas presencialmente na aula,
que se fagan dende fora da aula, prodedendo segundo a Ley 3/2022, de 24
de febrero, de convivencia universitaria e o regulamento disciplinar do
estudantado da UDC.

CUALIFICACIÓN AO FINAL DO PROCESO DE AVALIACIÓN

1. 
   
   Aqueles estudantes que cumpran os requisitos mínimos e alcancen un mínimo de 5,0 puntos, aprobarán a materia.
2. Aqueles estudantes que non alcancen a puntuación mínima establecida nalgunha das partes do exame final (1,4 puntos), esta non computará na cualificación final e, ademais, tras a suma das cualificacións, só poderán obter unha cualificación global máxima de 4,5 puntos.

A cualificación de “Non Presentado” figuraralle a aqueles estudantes que non se presenten ás probas obxectivas.