A realización das prácticas é obrigatoria. Para aprobar a materia, a nota obtida en cada unha das partes avaliables (prácticas de laboratorio, análise de fontes documentais e proba mixta) deberá ser superior ao 45%.

Para o alumnado con recoñecemento de dedicación a tempo parcial e con renuncia académica á exención de asistencia, o profesorado adoptará as medidas que considere oportunas para non prexudicar a súa nota. Para aqueles alumnos que non asistan ás clases expositivas, é moi recomendable facer uso das titorías para resolver dúbidas e orientarse na materia.