A mesma metodoloxía será empregada para o caso da segunda oportunidade. 

A respecto da entrega de informes, os traballos en que se evidencien plaxios non serán avaliados, de modo que non haberá cualificación neste apartado, condicionando negativamente a cualificación final e, en definitiva, a superación de materia. 

De acordo coa normativa da UDC que regula o réxime de dedicación ao estudo e á permanencia e progresión do alumnado de grao e mestrado universitario (aprobada polo Consello Social na súa sesión de 4 de maio de 2017), o alumnado a tempo parcial poderá solicitar a dispensa académica, sendo avaliado neste caso polo sistema de avaliación continua.