Esta materia está dirixida aos estudantes de primeiro curso do Grao en Dereito. Ten a consideración de materia básica porque nela estúdanse conceptos fundamentais de economía e de contabilidade nacional, útiles non só para os estudantes de Dereito como tales, senón tamén como cidadáns que consomen, invisten, reciben subvencións públicas, pagan impostos e adoptan outras moitas decisións en materia económica.
Tendo en conta que a materia é parte fundamental de toda actividade financeira, empresarial, social, xurídica ou política a disciplina resulta necesaria e imprescindible dentro do contexto da titulación.
A materia consta de seis créditos ECTS. Nela, explícanse os conceptos básicos, instrumentos e criterios necesarios para ter un coñecemento xeral sobre as cuestións económicas máis relevantes. O seu desenvolvemento está pensado para alumnos que se inician no estudo da economía e contabilidade nacional, e que necesitan ter unha visión global das mesmas e das diferentes cuestións e problemática que a integran.
Exponse o coñecemento dos principios económicos contables dende un enfoque multidisciplinar e como tal non pretendemos estudar o tema en toda a súa extensión e profundidade, senón simplemente ofrecer ao alumno unha visión panorámica da mesma, como corresponde á idea dun programa ao nivel dunha materia integrada nun grao de Dereito.
(*)A Guía docente é o documento onde se visualiza a proposta académica
da UDC. Este documento é público e non se pode modificar, salvo casos excepcionais baixo a revisión do
órgano competente dacordo coa normativa vixente que establece o proceso de elaboración de guías
Asignaturas
