<p class="MsoNormal">A
avaliación da materia conta con dous modelos, que se complementarán con
criterios adicionais, e que son os seguintes: Modelo A. É o sistema xeral de
avaliación a que se someterán por defecto todos os estudantes matriculados. Modelo
B. É o sistema excepcional de avaliación, para aqueles estudantes que por
causas xustificadas non poidan seguir o Modelo A. En canto ao sistema de
avaliación en xeral, establécese un sistema de avaliación continua, que se
articula ao redor dos seguintes&nbsp;
criterios principais: 1. Exame final, que suporá o 70% da nota final e
realizarase ao final do cuadrimestre, sobre a base da docencia impartida
durante o curso e co apoio da bibliografía e a documentación relativa aos
contidos da guía docente. O exame desenvolverase, no caso dos alumnos do Grao
en Dereito, de forma oral ou escrita (opcional) e, no caso dos alumnos do Dobre
Grao Dereito-ADE, de forma oral; e consistirá en diversas preguntas baseadas
en epígrafes do programa. O nivel mínimo esixido para a superación desta proba
é de 3,5 puntos sobre un máximo de 7. En caso contrario, a materia non se
considerará aprobada e a cualificación das actividades dirixidas non se
engadirá á cualificación final da materia. 2. Actividades dirixidas, representarán
o 30% da nota final e consistirán, fundamentalmente, en actividades de
simulación ou de rol, en traballos&nbsp; de
investigación, de reflexión ou en casos prácticos, para cuxa elaboración ou
resolución os alumnos contarán coas correspondentes orientacións e instrucións
metodolóxicas, bibliográficas e documentais. Para a cualificación global da
materia só puntuará unha das actividades prácticas, que será elixida de maneira
aleatoria na clase de entre todas as realizadas, ademais do correspondente
xuízo simulado (só para os alumnos do Grao en Dereito). O nivel mínimo esixido
para a superación das actividades dirixidas é de 1,5 puntos sobre un máximo de
3. En caso contrario, a materia non se considerará aprobada. Os alumnos poderán
beneficiarse das cualificacións obtidas nas actividades dirixidas durante as
convocatorias ordinarias e/ou extraordinarias a que teñan dereito no curso
académico correspondente. O alumnado que non poida seguir o Modelo A e, por
tanto, non poida participar nas actividades complementarias previstas na
programación da materia (que supoñen o 30% da cualificación global) deberán
realizar un exame final oral sobre os contidos da materia. O nivel mínimo para
a superación deste exame é de 6 puntos sobre 10. CRITERIOS ADICIONAIS DE
AVALIACIÓN. Así mesmo, en ambos os sistemas, valoraranse positivamente para a
nota final outras actividades que vaian organizando os profesores da materia ao
longo do curso, como xornadas, seminarios, congresos ou actividades doutra
natureza. Na avaliación global tamén se terá en conta positivamente a
asistencia e a participación activa do alumnado nas clases, nas titorías e nas
demais actividades que se desenvolvan durante o curso.</p>