Para aprobar
a materia cómpre obter na cualificación referida aos seminarios (grupos
reducidos) un mínimo de 1,5 puntos sobre o total de 3 puntos.

Tal
puntuación referida aos seminarios (3 puntos) só se sumará á cualificación
final se o estudante obtén como mínimo un aprobado (3.5 sobre un total de 7
puntos) na proba de ensaio/desenvolvemento.

O estudante
deberá obter a cualificación mínima de aprobado tanto no exame parcial
(opcional) como no exame final.

Para o
alumnado con recoñecemento de dedicación a tempo parcial e dispensa académica
de exención de asistencia que non poida participar nos grupos reducidos, a avaliación
das competencias correspondentes aos seminarios-grupos reducidos (30% da
cualificación da materia) será substituída por un traballo escrito sobre a
materia obxecto de dita metodoloxía e polas respostas ás preguntas orais do
profesorado. Esta avaliación alternativa será realizada o día do exame, ao remate do prazo concedido para o exame.

A esta
modalidade de avaliación alternativa á participación nas sesións de grupo
reducido poderá acollerse tamén o alumnado que por causas xustificadas non
poida asistir as sesións de grupo reducido. Para analizar estas solicitudes e
tomar unha decisión os estudantes deberán comunicar a súa situación aos
profesores na primeira semana lectiva do cuadrimestre.

Os
estudantes que se presenten á proba de ensaio na segunda convocatoria (xullo)
conservarán a cualificación obtida no exame/proba de ensaio parcial (opcional) e nos
seminarios de grupo reducido.

Os estudantes que
suspendan a materia na primeira convocatoria (maio-xuño) e non alcancen o
aprobado (1.5) na avaliación de grupo reducido correspondente á primeira
convocatoria poderán acollerse á avaliación alternativa dos grupos reducidos na
segunda convocatoria (xullo).

Na
avaliación terase en conta a corrección na expresión tanto oral como escrita.