Só se aceptarán actividades e exercicios realizados e
entregados na data que se estableza, en soporte de papel e
seguindo as
normas que se precisen en cada caso. Non se poderá
aprobar a materia sen acadar unha calificación mínima en
cada un dos ámbitos contemplados na avaliación; se o estudiante prescinde dalgún dos
instrumentos da avaliación contará cun "Non Presentado". Na segunda oportunidade (xullo),
aplicarase o mesmo sistema de avaliación; no exame, que se celebrará na
data oficial fixada pola Facultade, complementariamente o
alumno dará conta, nese mesmo momento, das demáis actividades e
exercicios que tiver pendentes.

Dase por suposta a
asistencia ás aulas; aquel estudante que conte con dispensa de asistencia recoñecida debe
poñerse en contacto coa profesora ao inicio do curso para establecer o
mecanismo de seguimiento da súa aprendizaxe. Alén diso, se algún
alumno xustifica debidamente a imposibilidade de acudir ao evento
divulgativo ou
científico previstos, a profesora deseñará algunha outra proba ou
traballo coa que se poda subsanar esa parte da evaluación.

A
expresión do
estudante nas distintas probas, exercicios e actividades levadas a
cabo ha ser a que corresponde a unha titulación de posgrao (non só se
tomará en conta, xa que logo, a correción
ortográfica e gramatical). No caso de que a expresión dos
exercicios e traballos realizados fóra da aula non garden relación coa
das probas e exercicios que o estudiante realiza na aula baixo o
control da profesora, para avaliar a expresión tomaranse como
referencia os escritos que aquel ten elaborado sen axuda externa.