1. Cualificarase como Non presentado (NP) a
quen non entregue o traballo final tutelado.

2. Na segunda oportunidade a avaliación consistirá nun traballo tutelado (50 %) e outras actividades como as incluídas no apartado "Obradoiro" (50 %). Gardarase a nota das actividades que xa foron aprobadas na primeira oportunidade.

3. Na convocatoria adiantada de decembro a avaliación consistirá nunha actividade teórico-práctica proposta con antelación pola persoa responsable da docencia.

4. Calquera falta de honradez académica (plaxio, é dicir, utilización de textos ou ideas doutros autores sen indicar a procedencia, copiar traballos, copiar en exames, ou outras formas) penalizarase de acordo co establecido na normativa académica. Lémbrese que o profesorado dispón de ferramentas para a detección do plaxio, como Turnitin.

5. A materia poderá ser adaptada ao estudantado que precise da adopción de medidas encamiñadas ao apoio á diversidade consonte ás indicacións da Unidade de Atención á Diversidade (https://www.udc.es/cufie/ADI/), coa que se deberá contactar nos prazos establecidos por esta unidade. Pódese contar tamén co asesoramento da titora ADI da facultade (pat.filoloxia@udc.gal).

Alumnado con dispensa académica de exención de asistencia

Deben informar á docente da súa condición ao comezo do cuadrimestre e estar especialmente pendentes da comunicación a través do Campus Virtual e do correo electrónico.

Os procedimentos e porcentaxes de avaliación serán os seguintes:

• Traballo tutelado (50 %): coas mesmas características que para o resto do alumnado.

• Outras actividades (50 %): proporanse específicamente para o estudantado con dispensa académica.

As titorías concertaranse por correo electrónico e realizaranse en horas adecuadas tanto para o alumnado como para o profesorado.