Na avaliación desta materia tomaranse en consideración os exercicios do obradoiro (20%), o traballo tutelado (40%) e a proba mixta (40% da cualificación). 

As actividades entregaranse a través de Moodle dentro do prazo fixado. A entrega das actividades fóra de prazo penalizarase un 50% da nota correspondente.

Para superar a materia, debe alcanzarse unha cualificación mínima na proba mixta de 4 puntos sobre 10. Todas as actividades e probas deberán cumprir unhas exixencias mínimas de corrección lingüística (ortografía, puntuación, coherencia...); no caso de producirse deficiencias deste tipo, serán penalizadas na cualificación.

O plaxio (a apropiación de textos o ideas doutros autores sen indicar a súa procedencia), incluso parcial, ou calquera outra falta á ética académica (v. g. a copia na proba mixta), suporá a anulación da actividade da que se trate. 

SEGUNDA OPORTUNIDADE

Os alumnos que non superen a materia deberán entregar, na data marcada pola Facultade de Filoloxía para a segunda oportunidade, os exercicios do obradoiro (20%) e o traballo tutelado (40%), así como superar a proba mixta (40% da cualificación). 

CUALIFICACIÓN DE NON PRESENTADO (NP)

A cualificación de "Non presentado" será asignada cando o alumno non asista á proba mixta, aínda que realizara o resto de actividades. Estas mesmas condicións serán aplicadas na convocatoria adiantada de decembro.

ALUMNOS CON DISPENSA ACADÉMICA

Os procedementos e as porcentaxes serán os mesmos que para o resto dos alumnos nas dúas oportunidades.

Entregarán as actividades a través de Moodle.

Concertarán as titorías por correo electrónico.