<h6>Para superar a materia, o estudantado terá que cumplir as seguintes dúas condicións:</h6><p>A) Media ponderada do conxunto das actividades superior a 50.</p><p>B) Ter máis dun 40% da nota en cada unha das seguintes tarefas: "proba oral", "seminario", "proba obxectiva" e "portafolios do alumno".</p><p>No caso de non cumprir con algunha destas condicións, o estudantado terá que acudir á oportunidade de xullo.</p><h6><br />Entrega de traballos:</h6><div>Aplicarase unha penalización do 25% aos traballos presentados fóra de prazo sen causa xustificada. Os traballos con evidencia de plaxio serán cualificados automaticamente coa calificación de 0. Poderanse empregar programas específicos de detección do plaxio.</div><h6>Cualificación de Non Presentado (NP):</h6><p>Para obter a cualificación de Non Presentado (NP) o estudantado deberá non ter realizado a Proba obxectiva / Exame final, nin a Proba oral, nin ter entregado máis do 50% dos exercicios de avaliación continua.</p><h6>OPORTUNIDADE DE XULLO:</h6><p>O estudantado que non supere a materia na primeira oportunidade terá que acudir á oportunidade de xullo, que terá a mesma ponderación das diferentes actividades de avaliación mais na que parte dos traballos serán substituídos por novos traballos específicos. As partes da materia superadas (máis do 50% da nota) na primeira oportunidade non terán que ser repetidas na oportunidade de xullo.</p><h6>DISPENSA ACADÉMICA:</h6><p>O estudantado con dispensa académica oficialmente recoñecida será avaliado segundo as indicacións&nbsp; para a oportunidade de xullo, mantendo as mesmas porcentaxes da avaliación e realizando as adaptacións dos traballos necesarias por motivos de presencialidade. O estudantado nesta situación deberá poñerse en contacto co profesorado tan pronto como teña coñecemento da mesma.</p>