Na oportunidade de xullo os alunos/as realizarán un traballo sobre os textos de estudo (4-6 páxinas e 60% da nota) e o exame (40% da nota). 

Aqueles alunos/as que o longo do curso presentaran traballos satisfactoriamente non teñen que presentar ningun traballo adicional. 

A aplicación Turnitin será utilizada para verificar a orixinalidade dos traballos.  Turnitin  detecta citas incorrectas,
plaxio e outros tipos de fraude. Se isto ocorrer, aplicaranse as normas contra
o plaxio (Normas de avaliación, revisión e reclamación das cualificacións dos
estudos de grao e mestrado universitario). Turnitin
recoñece traballos previamente realizados por outras persoas (ou polo/a
propio/a estudante) nesta universidade ou noutras, ademais doutros materiais
localizados en Internet.

Os alumnos/as que non se presenten ás probas obxectivas da primeira ou segunda oportunidade acadarán a cualificación de Non Presentado se non entregaron máis do 50% das actividades avaliables durante o curso. 

Segundo as directrices da Vicerreitoría de Organización Académica e Titulacións, os alunos/as que suspendan na primeira oportunidade e non se presenten á segunda oportunidade de xullo, figurarán coa nota de "suspenso."

O alumnado oficialmente matriculado a tempo parcial e que teña concedida unha dispensa académica como establece a Normativa de permanencia desta Universidade, será avaliado en calquera oportunidade segundo os criterios especificados para a segunda oportunidade.

O estudantado que se presente á convocatoria adiantada de decembro availarase segundo as normas da oportunidade de xullo.