IMPORTANTE: Para superar a materia, a suma da proba final, o traballo tutelado, a presentación oral e demáis actividades avaliables deberá ser 5
sobre 10, tendo en conta que a cualificación mínima de cada unha das partes (actividades do obradoiro/ traballo tutelado e exposición oral do mesmo/proba mixta final) deberá ser de 4 puntos sobre 10.

Aplicarase unha penalización sobre a cualificación
final de traballos e actividades se estes son entregados fóra de prazo
sen causa xustificada. Os traballos con evidencia de plaxio serán calificados automáticamente cun 0.

A participación dinámica extraordinaria nas diferentes tarefas da clase,
así como todo o material de "extra-credit" que o alumnado realice ao
longo do cuatrimestre, poderá supoñer ata un 5% extra na nota final. Isto inclúe
traballos voluntarios, lecturas alternativas ou calquera outra actividade
proposta polo profesorado, ou proposta polo alumnado e aceptada polo
profesorado.

Os alumnos/as que non se presenten o día das
probas obxectivas de xuño ou xullo acadarán a cualificación de NP, se
non entregaron máis do 50% de actividades durante o curso.

AVALIACIÓN
XULLO: Os/as estudantes que non presenten o traballo tutelado, ou que
non teñan acadado un 4 en cada un dos bloques avaliables (aínda que a nota media sexa superior a 5) terán que ir á
oportunidade de xullo, na que cada estudante terá que demostrar ter
acadadas as competencias da materia mediante a entrega dun traballo
escrito e defensa oral do mesmo en sustitución do traballo tutelado (30%), a
superación de actividades escritas semellantes ás avaliadas ao longo do
curso (20%) e, finalmente, mediante unha proba mixta sobre os contidos do curso (50%). As instruccións e porcentaxes concretas faranse públicas despois da publicación das cualificacións finais en xuño.

CONVOCATORIA ADIANTADA DE DECEMBRO:  Os/as estudantes terán que demostrar ter acadadas as competencias da materia mediante a entrega dun traballo escrito e defensa oral do mesmo en sustitución do traballo tutelado (30%), a superación de actividades escritas semellantes ás avaliadas ao longo do curso (20%) e, finalmente, mediante unha proba mixta sobre os contidos do curso (50%). As instruccións e porcentaxes concretas faranse públicas con suficiente antelación.

Alumnado con dispensa: O alumnado matriculado a tempo parcial e que
teña concedida unha dispensa académica, tal e como establece a Normativa desta
universidade, será avaliado en calquera das dúas oportunidades seguindo os
mesmos criterios que para a segunda oportunidade de xullo.

Atención á
diversidade: Existe
unha oficina (ADI) na universidade que se especializa en "atender os
membros da comunidade universitaria con necesidades especiais derivadas da
discapacidade ou doutras formas de diferenza fronte á poboación
maioritaria". O alumnado que o desexe pode falar coa profesora Ana Veleiro para
acadar máis información ou poñerse directamente en contacto coa ADI
en http://www.udc.es/cufie/uadi/. Tamén no teléfono 5622 ou na
dirección de email adi@udc.es.